Tuesday, January 9, 2018

၂ ကြွင်းမဟာဘုတ်




    မဟာဘုတ်၏ဉာဉ်ဆိုသည်မှာ မိမိတို့၏မွေးရာပါ ပင်ကိုဉာဉ်စရိုက် ပင်ဖြစ်သည်။ ၎င်းင်းဉာဉ်စရိုက်သည် နာမ်ပိုင်းဆိုင်ရာဖြစ်၍ ရုပ်ပိုင်းကို ပုံသေတွက်လို့မရပါ။ တချို့သည် နာမ်က ခိုင်းသမျှကို ရုပ်ကလိုက်လုပ်၍ တချို့လူများသည် နာမ်က ခိုင်းသမျှကို ဦးနှောက်အသိနှင့် ယှဉ်ပြီး လုပ်သင့် မလုပ်သင့် ချိန်ဆကြပါသည်။ 

    ထို့ကြောင့် ရုပ်ပိုင်းဆိုင်ရာကို ကြည့်၍ လူတစ်ယောက်၏စိတ်ကို အမှန်ယူ၍ မရပါ။ သို့သော်လည်း နာမ်ပိုင်းဆိုင်ရာသည် ရုပ်ပိုင်းဆိုင်ရာအား အဆိုးဉာဉ်များကို ပြုလုပ်အောင် သေသည့်အထိလိုက်၍ နှောက်ယှက်နေဦး မည်ဖြစ်ပါသည်။ အဆိုးဉာဉ်များသည် သေသည့်အထိ ရင်ထဲတွင် ကိန်းအောင်းနေသည်ကို သင်ရော ကျွန်ုပ်ပါငြင်း၍မရပါ။ ရုပ်ပိုင်းကတော့ မိမိဖြတ်သန်းခဲ့သည့် လောက၊ ပတ်ဝန်းကျင်၊ ရေ၊ မြေ၊ တောတောင် သဘာဝအရ ပြောင်းလဲနေဦးမည်ဖြစ်ပါသည်။

    ယခု ကျွန်ုပ်ဖွင့်ဆိုသွားမည့် (၂)ကြင်း မဟာဘုတ်သည် နာမ်ပိုင်း ဆိုင်ရာ စေ့ဆော်မှုကြောင့် ရုပ်ပိုင်းဆိုင်ရာ ပြောင်းလဲခြင်း ဥပဒေများကိုသာ အဓိကထား၍ဖော်ပြသွားပါမည်။

(၂)ကြင်းအားလုံးတို့သည် ဘင်္ဂနေရာတွင် တနင်္လာဂြိုဟ် (ငွေ၊အကြား)ပျက်နေသည်။ ငယ်ရွယ်စဉ် ကာလတွင် မိဘများသည် ငွေ ကြေးကြယ်ဝပါက(သို့) ဆင်းရဲလွန်းပါက ဘ၀တွင်အသိဉာဏ် ကြယ်သော 
လူတော် ကလေးများဖြစ်လာကြသည်။ (ငွေ၊အကြား) အပျက်သဘော ကြောင့် ငွေရှိလျှင် ခဏသာဖြစ်၍
 ကြားဝါနေထိုင်လွန်းပါက ခဏသာဖြစ် သည်။ (၇)ရက်သားသမီး ဘင်္ဂခွင်နှင့် တွေ့လျှင် တည်ငြိမ်မှုမရှိ၊
 တုန်လှုပ် တတ်ကြသည်။ (၂)ကြင်း ငွေများများရှိလျှင် ငွေများများရပေါက် ရှိလျှင် သမာဓိပျက်တတ်သည်။

 ကျား/မ အားလုံးရည်းစားအပေါ် ဘယ်လောက် ချစ်ချစ် နောက်တစ်ဦးက ငွေကြေးပြည့်စုံလျှင် နောက်
လူနှင့်ညားတတ် သည်။ မိမိတို့၏ ဘင်္ဂခွင်ကိုထိန်းသိမ်းနိုင်ပါက အဓိပတိတွင်ရှိသော (လှုပ်ရှားမှု)အားလုံး အောင်မြင်သည့်ဘ၀ကိုရမည်။ ငွေကြေးလောဘကို သတ်နိုင် ရမည်၊ ငွေရှိလျှင် မှန်မှန်ကန်ကန် အသုံးချတတ်ရမည်။ မိမိ၏ ဘင်္ဂခွင်တွင် အကြားပျက်နေသည်။ ကြားလျှင် ပျက်စီးမည်၊ အရှိကို အရှိ အတိုင်းထားလျှင်
 အောင်မြင်မည်။ (၂)ကြင်း သောကြာအများစုမှာ မိန်းမ ပျက်များနှင့် ပျော်ပါးတတ်သည်။ (၂)ကြင်း မိန်းကလေးများ အတူနေမိသားစု အပေါ် ဗိုလ်ကျတတ်သည်။ ပြန်ပြောလျှင် ဒေါသအိုးပေါက်ကွဲသည်။

(က) တယူသန်မှု အဆိုး၊ (ခ) ပညာအဆိုး၊ (ဂ) တွေးခေါ်မှု အဆိုး (၂)ကြင်း ကျား/မ အားလုံး၏ မရဏနေရာတွင် ပညာ၊ အတွေးအခေါ် (၅)ဂဏာန်းရှိပါသည်။ (၂)ကြင်း (၂)မျိုးရှိသည်။ အရပ်ရှည်လွန်းသူ (သို့) အရပ်ပုလွန်းသူများသည် တစ်ယူသန် စိတ်ရှိပြီး မရဏဉာဉ်အားကောင်း၍ ကိုယ်ထင်ရာကို လုပ်တတ်ကြသည်။ အသက်ကြီးလေ တစ်ယူသန်စိတ်များ လေဖြစ်သည်။

    (၂)ကြင်းအားလုံးတို့သည် ကိုယ့်သဘောကိုယ့်ဆန္ဒနှင့် အရာရာကို ပြုလုပ်တတ်၍ အမှန်ထက် အမှားများနေသည်။ မိဘပေးစား သူနှင့်မညား ဘဲ ကိုယ်ကြိုက်တာ ကိုယ်ယူတတ်သည်။ မိဘချမ်းသာလျှင် လူဆိုးလူမိုက် ဖြစ်၍ သူယူသော အိမ်ထောင်ဖက်ပါ ဆိုးသည်၊ (၂)ကြင်းမိန်းကလေးများ မာနကြီး ၍ ခေတ်မီဆန်းပြားသော အ၀တ်အစားများကို ကြိုက်နှစ်သက် သည်။ ရပ်ကွက်ထဲတွင် အော်ကျောလံ ကလေးများဖြစ်ကြသည်။ မိဘ ဆင်းရဲလျှင် လူကောင်းသူကောင်းဖြစ်နိုင်သည်။ ရိုးသားကြိုးစား၍ ခေတ်ပညာတတ်များ ဖြစ်ကြသည်။ အရှက်အကြောက်ကြီးမားသည်။ အရှက်မရှိလုပ်လျှင်လည်း သူများထက်သာသည်။

    လောကတွင် ဆရာသမား၊ ဘုန်းကြီး ရဟန်းများနှင့် ကိလေသာရာဂ အားဖြင့် ငြိစွန်းသူများသည်
 (၂)ကြင်း မိန်းကလေးများ ဖြစ်ကြသည်။

    (၂)ကြင်းကျား/မအားလုံး ဘာသာရေးစကားပြောလျှင် မဟုတ် တာ အကုန်လုပ်သည်။ လေကြောရှည်သည်။ (၂)ကြင်း ကျား/မများ အိမ်ထောင် ကျလျှင် အောက်ပါပုံစံနှင့် အိမ်ထောင်ကျကြသည်က များသည်။

(က) မိမိအိမ်သို့ အ၀င်အထွက်ရှိသောသူများနှင့် (ခ) ဇရပ်၊ ကျောင်းကန် တရားစခန်းများတွင် နေသော သူများဖြစ်ကြသည်။
    (၂)ကြင်းအားလုံး မီးစတစ်ဖက်၊ ရေမှုတ်တစ်ဖက်၊ တရားတစ်ဖက်၊ ကိလေသာတစ်ဖက်ဖြစ်သည်။
 (၂) ကြင်းများသည် ဘုန်းကြီး၊ ရသေ့၊ ဖိုးသူ တော်၊ သီလရှင်မကြာခဏ၀တ်ကြသည်။ (၂)ကြင်းမများ အိမ်ထောင်ရေး အဆင်မပြေပါက သီလရှင်ဝတ် ကြသည်။ (၂)ကြင်း ကျား/မ အားလုံး ပညာ၊ အတွေးအခေါ်ဆိုးကြောင့် မှားသင့်သည်ထက်လွန်ကျူး၍ မှားမိလျှင် အဆိပ်သောက်၍ သေခြင်း၊ ဆွဲကြိုးချ၍ သေခြင်း၊ ရေထဲခုန်ချ၍ သေခြင်းတို့ဖြင့် သတ်သေသူများသည် ခေတ်ပညာကိုဆုံးခန်းတိုင်အောင် တတ်ကျွမ်း လျှင် လက်အောက်ငယ်သားများအပေါ် မောက်မာစွာဆက်ဆံကြ၏။ ငယ်ရွယ်သူများ ရည်းစားများသည်
၊ အိမ်ထောင်ကျပြီး နောက်ပိုင်းတွင် စိတ်ဆန္ဒအလိုမကျပါက လင်ပြိုင် မယားပြိုင်ထား ကြသည်။ ငွေနှင့်ပတ်သတ်လျှင် လောဘကြီး၍ ငွေရမည်ဆိုလျှင် ဘာမဆိုလုပ်ရဲသည်။ အသက်ကြီးသောအဘိုးကြီး၊ အဘွားကြီးများကိုလည်း ငွေရမည်ဆိုလျှင် အိမ်ထောင်ပြုရဲကြသည်။ (၂)ကြင်းတို့၏စိတ်သည် ပစ္စုပ္ပန်တွင်မရှိဘဲ ပြီးခဲ့သောအတိတ်ကို အာရုံပြုကြသည်။ မရောက်သေး သောအနာဂတ်ကို ကြိုတင်ပူပန်၍ ပြောဆိုလှုပ်ရှားကြသည်။ (၂)ကြင်း အားလုံး စကားပြော ကောင်း၍ သူများအပေါ် နိုင်အောင်ပြောသည်။ (၂)ကြင်း အားလုံး သွက်လက်ဖျတ်လတ်နေလျှင် အထွန်းဥာဉ်ဖြစ်၍ စကားနည်း အေးအေး ကုတ်ကုတ် နေလျှင် မရဏဥာဉ်ဖြစ်
သည်။
    (၂)ကြင်း ကျား/မ အားလုံး လုပ်ရဲကိုင်ရဲ၊ သေရဲသောစိတ်ဓာတ် ရှိသည်။ အမှားအမှန်မခွဲခြားဘဲ စိတ်ထင်ရာပြုလုပ်တတ် ကြသည်။ အကြောတက်၊ လိပ်ခေါင်း၊ ဂရင်ဂျီနာများအဖြစ်များသည်။

    (၂)ကြင်း ကျား/မ ငယ်ရွယ်စဉ်တွင် မိဘစိတ်ဆင်းရဲကြရ၏။ မိခင် ကိုပို၍ ဒုက္ခပေးသည်။ (၂)ကြင်းများ ဘိုးတော်၊ မယ်တော်၊ ဘာသာရေး လုပ်ငန်းများကို အရေခြုံ၍ မဟုတ်တာအကုန်လုပ်သည်။

    (၂)ကြင်းများ မိဘ၊ ဆရာများနှင့် တိုင်ပင်ရင်းနှီး၍ အစစအရာ ရာလုပ်ကိုင်လျှင် အောင်မြင်မှုများရရှိကြ၏။ ကိုယ့်စိတ်ကိုယ့် သဘောနှင့် ထင်ရာလုပ်လျှင် ပျက်စီးကြ၏။ မိဘပေးစားသူနှင့်ယူလျှင် ချမ်းသာကြ၏။
(၂)ကြင်းများ အစိုးရ၀န်ထမ်းနှင့် ကိုယ်ပိုင် လုပ်ငန်း(၂)မျိုးစလုံး အကျိုးပေး သည်။ ကြာသပတေးနံများဖြစ်
ကြသော (ပ၊ဖ၊ဘ၊ဗ၊မ) လုပ်ငန်းများကျိုးမပေးပါ။

တနင်္ဂနွေနံ အိုးအိမ်၊ အိမ်ထောင်၊ အုပ်စု အထွန်းနေရာတွင်ရှိသဖြင့် (၂)ကြင်းအားလုံးတို့သည် မိမိနှင့်အဆင်ပြေသောသူများကို အိမ်ပေါ်သို့ ခေါ်တင်ကြသည်။ မိဘဆရာသမား တို့ပေးစားသောအိမ်ထောင်နှင့်ယူပါက ဘ၀တွင်မဆင်းရဲဘဲ အောင်မြင်မှုရရှိကြ၏။ မိမိသဘောနှင့်ပြုလုပ်သူများ ဘ၀တွင် ဆင်းရဲမှုများနှင့်
 ကြုံတွေ့ကြရ၏။ အိမ်ထောင်နှင့်အုပ်စုများအပေါ် စီမံအုပ်ချုပ်လိုသော စိတ် ဓာတ်ရှိ၏။ (၂)ကြင်း ကျား/မမွေးသည့် အချိန်မှ စ၍ သေသည့်အချိန်အထိ ရှာဖွေသမျှပစ္စည်းဥစ္စာများ၊ မိဘ၊ ဆရာသမား များ မစားရ၊ သားသမီးများသာ စားရ၏။(၂)ကြင်းအားလုံး လူတစ်ကိုယ်လုံး စေ့စပ်သေချာနေသည်။ လူတစ် ကိုယ်လုံး အကျဉ်းအကျပ်ထဲရောက်နေသည်။ ရောက်လေ ရုန်းထွက်လိုစိတ် များလေ ဖြစ်သည်။ (၂)ကြင်းများ ရုန်းလျှင်
 တောထွက်၍ ဘုန်းကြီး ၀တ်ကြသည်။

    မိမိကိုယ်ကို စေ့စပ်သေချာသူဟူ၍ ထင်မှတ်ပြီး အိမ်တွင်း၌ စာရင်း ဇယားများလုပ်ကာ နေကြ၏။ အရွယ်ရောက်သည့်အချိန် တွင် မိဘများ၏ သော့ကိုင်ရာထူးကိုယူပြီး နေအိမ်တွင်း လွှမ်းမိုးကြ၏။(၂)ကြင်းများ ရာဇနေရာတွင် စနေဂြိုဟ်ရှိသည်။ ကျား/မ အားလုံး ထင်ပေါ်လိုစိတ်ရှိသည်။ အထူးသဖြင့် မိသားစုထဲတွင် ပို၍ထင်ပေါ်လိုစိတ် ရှိသည်။ မိမိ၏အောင်မြင်မှုအတွက် သူများကို ခုတုံးလုပ်သည်။ ထင်ပေါ် လိုမှုအတွက် ပွင့်လင်းမှန်ကန်မှုမရှိဘဲ လှည့်ပတ်ကွေ့ကောက်မှုများ ပြုလုပ် ကြလျှင် မရဏနေရာ၏ အတွေးအခေါ်မှားယွင်းမှုများကြောင့် အောင်မြင်မှု မရရှိဘဲ ဖုံးထားသမျှ ပေါ်သည်။ အရှက်လုံးလုံးကွဲသည်။

 အိမ်ထောင်ရေးနှင့် ပတ်သက်သော မကောင်းမှု မှားယွင်းမှု ပရိယာယ်ကြယ်စွာ ဖုံးကြသည်။ နီးစပ်ရာသွေးသား၊ သားသမီးများကိုလည်းကောင်း ပူးတွဲရာ လူများအတွက် ဖုံးပေးခြင်းကိုလည်းကောင်း ပူးတွဲရာလူများအတွက်
 ဖုံးပေးခြင်းနှင့် သားသမီး များ မဟုတ်တာလျှင် ပတ်ဝန်းကျင်မသိအောင် မိဘကဖုံးထားသည်။ ထိုကဲ့သို့မကောင်းသောအလုပ်နှင့်ရာဇကို မှားယွင်းစွာ ပြုကြပါက ကျား၊ မအားလုံးဘ၀တွင် ပြင်၍မရသောမှား ယွင်းမှုများဖြစ်ကြ သောကြောင့် မိမိကိုယ်ကို သတ်သေလောက် သည့်အဖြစ်များနှင့် ကြုံရပြီး လျှင် လူတစ်ကိုယ်လုံးမမြင်အပ်သောနေရာများတွင် ရောဂါများဖြစ်ကြပြီး လူအများရှေ့တွင် အရှက် တကွဲ အကျိုးနည်းဖြစ်ကြရ၏။ မိမိရာဇခွင်ကို တည်ငြိမ်အောင် ပြုလုပ်ကြပါက ဘ၀တိုးတက်မှုရရှိပြီး ရာဇခွင်မတည်ငြိမ်ပါ က ဘ၀တွင် တိုးတက်အောင်မြင်မှုများ နှောင့်နှေးမည်။

(၂)ကြင်းအားလုံး၏ အကုသိုလ်အများဆုံးနေရာသည် ပုတိခွင် ဖြစ်သည်။ ပုတိနေရာတွင် (စိတ်)ရှိသည်။ (၂)ကြင်းအားလုံး၏ စိတ်သည် ပုတိစိတ်ဖြစ်သည်။ ထို့ကြောင့် (၂)ကြင်းအားလုံး နံနက်မိုးသောက်တွင် အလင်းရောင်ရှိသည့်အချိန်၌ ပိပြားစွာ နေထိုင် သလောက် ညအမှောင် ဖုံးကွယ်ရာအရပ်တွင် လူတစ်ကိုယ်လုံး ပုတိစိတ်ရှိ၍ ဆန့်ကျင်ဘက်ဖြစ်ကုန် ကြ၏။ အရှက်အကြောက်ကြီးလေ ပုတိစိတ်များလေဖြစ်သည်။
 
ကာမဂုဏ်စိတ်သည် ရုပ်တွင်မရှိဘဲ စိတ်တွင်ရှိသဖြင့် (၂)ကြင်းများ သူ့စိတ်သူ့ဆန္ဒ ဖြစ်ပေါ်လာလျှင် မည်သည့်လူမျိုးကိုမှ မရှောင်ဘဲ အိမ်ထောင်ပြုရဲသူများ ဖြစ်သည်။ ကျား/မအားလုံး စိတ်ပိုင်းဆိုင်ရာတွင် ဖုံးကွယ်မှုလုပ်ကိုင်ကြ၏။ အိမ်ထောင်ရေးကိစ္စများတွင် စိတ်မပါလျှင် ဆန့်ကျင်သည်။ မှောင်သော နေရာတွင် ပုတိစိတ်ရှိသဖြင့် အများလူမြင်ကွင်းတွင် အနေတည် သလောက် ကွယ်ရာတွင် ကိလေသာကာမဂုဏ်ကိစ္စများ လွန်စွာလုပ်သည်။ အဓိပတိ တွင်ရှိသော ဘာသာရေးစကား လွန်စွာပြောလျှင် ထိုလူမျိုး ပုတိစိတ်အလွန် များသည်။ (၂)ကြင်း ကျား/မများ လင်သားမျက်ကွယ်၊ ဇနီးသားသမီးများ မျက်ကွယ်တွင် သွားလာလှုပ် ရှားနေထိုင်မှုများရှိပါက အိမ်ထောင်ရေး ရှုပ်ထွေးကြ၏။ ဘာသာရေးကို ခုတုံးလုပ်၍ ပြောဆိုနေထိုင်မှုများ ရှိသော် လည်း တိတ်တိတ် ပုန်းကိစ္စများ လွန်စွာရှုပ်ထွေးကြသည်။ အရွယ်ရောက် သည့် အချိန်မှစ၍
 ပုတိစိတ်များရှိကြသဖြင့် အတူနေသွေးသားအုပ်စုများနှင့် ရောထွေး၍ အိပ်စားနေထိုင်ကြပါက ငယ်ငယ်ရွယ်ရွယ်နှင့် လူပျိုရည်၊ အပျိုရည် ပျက်ကြရ၏။    (၂)ကြင်း ကျား/မအားလုံးတို့သည် လွန်စွာ ဘာသာရေးစကားပြော သည်
 
လူပုံအလယ်တွင် သူ့ဘ၀တစ်ခုလုံးကို ဘာသာရေး စကားများနှင့် သူသိ၊ သူတတ်၊ သူနပ်စကားများဖြင့် အကာအကွယ်ယူ၍ ဖုံးထားကြ၏။ ငယ်စဉ်က ရွှေထီးဆောင်းခဲ့သည့်အကြောင်း၊ ကောင်းစားခဲ့သည့်
အကြောင်း လွန်စွာပြောသည်။ လူတစ်ယောက်သည် သူ၏အဓိပတိကို ရမည်ဆိုလျှင်
ဘ၀ကိုစွန့်လွှတ်ရဲကြ၏။

    ထို့ကြောင့် နိဂုံးချုပ်အနေဖြင့် (၂)ကြင်းအားလုံးတို့သည်။ မိမိဘ၀ကို စကားနှင့် လိမ်ညာဖုံးကွယ်ခြင်းကို ရှောင်ပါ။ စကားနည်း နည်းပြောပါ။ လက်တွေ့ကျကျပြောပါ။ အာပေါဓာတ်ကဲ့သို့ မိမိနှင့်တွေ့ကြုံသမျှ လူအများကို လိုက်ရောညီထွေစွာဆက်ဆံပါ။ ဘင်္ဂတွင် ရှိသော မြေဓာတ်ကဲ့ သို့ မာန်မာနများကို လျှော့ပါဟု စေတနာထား၍ တိုက်တွန်းလိုက်ရပါသည်။





















No comments:

Post a Comment