Tuesday, February 27, 2018

သုတပိုင်းဆိုင်ရာ

အင်္ဂ၀ိဇ္ဇာ ဗေဒင်ပညာနှင့် ဥဿာ ၊ စိန်ပန်း ၊ ဒန်းလှ ၊ ကိုရှာ ၊ ပညာခန်း

          မိုးကလည်း ဖွဲဖွဲမရွာပါ။ နှင်းတွေကလည်း ကျနေခြင်းမရှိပါ။ ရွက်ဝါလည်း မကြွေပါ။ ကျွန်ုပ် တစ်ယောက်တည်း စွပ်ကျယ်ဂျိုင်းပြတ်နှင့် စာကြည့်မျက်မှန်က အားနည်းနေလို့ပဲလား။ ဒါမှမဟုတ် ကျွန်ုပ်စိတ်ကပဲ  လောနေလို့လားမသိပါ။ ဆရာတော်ခင်ကြီးပျော်၏ ကျမ်းရင်း အလင်္ကာ အတွဲ(၁)၊ စာမျက်နှာ (၁၆၃)ကို ဖတ်နေရာ စာအုပ်နှင့်မျက်နှာတအားကပ်လွန်းနေ သည်။ နောက်စိတ်ကို နည်းနည်းပြန်လျှော့ပြီး စာအုပ်ကိုအနေတော်လောက် ပြန်ခွာပြီး ပြန်ဖတ်၊ (တစ်ယောက်တည်းဖြစ်နေ တာ ) ----
          ကျွုန်ုပ်သည် ငယ်စဉ်ကတည်းက အကြောင်းတရာတစ်ခုကို စိတ်ဝင်စားမိပါက ဇွဲနဘဲကြီး စွာ ပြုလုပ်လေ့ရှိပါသည်။ ယခုလည်းကျမ်းရင်းလင်္ကာပါဥဿာ ၊ စိန်ပန်း၊ ဒန်းလှကိုရှာ ပညာခန်း အား သုသေသနပြုလုပ်နေသည်မှာ (၁၅)ရက်ခန့်ရှိပေမယ့် တတယ်တော့ ဤပညာခန်းနှင့် ကျွန်ုပ် ရင်းနှီးနေတာ (၁၀)နှစ်ခန့်ရှိနေပါပြီ။ ဒါပေမဲ့ တကယ်တမ်း စာဖတ်ပရိသတ်များ နားလည်ရန် အတွက် အသုံးချနည်းစနစ်လက်တွေ့ သဘောကို စာရွက်ပေါ်တွင် ရေးချရန်များစွာအခက်အခဲရှိ နေပါသည်။ ဤပညာခန်း၏ အသုံးချပုံမှာလည်း (၄)မျိုးလောက်ရှိရာ အကောင်းဆုံးနည်းကို ရွေး ချယ်ရပါမည်။
          ''အစ်ကိုရေ အစ်ကို''
          ဒီတစ်ခါတော့ကျွန်ုပ်၏ တပည့်ကျော် ဗိုက်ကလေးမဟုတ်ပါ။ ကျွန်ုပ်၏ဇနီး (မသေးမျှင်) ''အဲလေ -- မဟုတ်ပါဘူး။ မြိုင်ရာဇာတွတ်ပီနဲ့ရောကုန်ပြီ'' ကျွန်ုပ်၏မဟေသီ ဒေါ်လှလှဌေး အသံ ပင်ဖြစ်ပါသည်။ ဘာတွေလာရှုပ်ဦးမလဲတော့မသိဘူး။
          ''ကဲ ညီမ၊ ဘာပြောမလို့တုန်း၊ ပြောစရာရှိရင်လည်း မြန်မြန်ပြော၊ ဒီမှာ စာမူအတွက် အရေးကြီးတဲ့ပညာခန်း တစ်ခုကို ပြန်စနေလို့''
          ကျွန်ုပ်သည် ဆရာကြီးစတိုင်လ်ဖြင့် အသာစီးရတုန်း ဖိဟောက်ထားလိုက်သည်။
          ''ဟော အစ်ကိုကတော့လုပ်ပြီ၊ ညီမက ဘာမှတောင်မပြောရသေးဘူး၊ စိတ်မရှည်ချင်တော့ ဘူး။ အစ်ကို့ကို ညီမမေးစရာရှိလို့'' (ခပ်ချွဲချွဲအသံ ဖြစ်ပါသည်။)
          ''ဘာမေးမလို့တုန်း ညီမရဲ့ ၊ ဒီတစ်ခါ ထူးထူးဆန်းဆန်း''
          ''ဟိုလေညီမ သူငယ်ချင်းတစ်ယောက်ကပြောတယ်။ အစ်ကိုက စနေသားတဲ့ ညီမက ဗုဒ္ဓဟူးတဲ့၊ စနေနဲ့ဗုဒ္ဓဟူး ရူးတောင်ထမင်းမငတ်ဘူးလို့ အဆိုရှိတယ်တဲ့။ အဲဒါကြောင့်အစ်ကိုတို့ ညီမတို့ စီးပွားဖြစ်တာတဲ့သူက တနင်္ဂနွေတဲ့၊ သူ့အမျိုးသားက ဗုဒ္ဓဟူးတဲ့ တနင်္ဂနွေနဲ့ ဗုဒ္ဓဟူး (အုန်းမနွေး) ဘူးတဲ့။ အဲဒါကြောင့် သူတို့လင်မယားကွဲတာတဲ့။
          ''အာ --- မိန်းမကလည်း ဗေဒင်ဆရာ မိန်းမလုပ်ပြီး မခိုင်လုံတဲ့ အထောက်အထားလင်္ကာ တွေကိုဘာကြောင်း လက်ခံရတာလဲ''
          ''ညီမလည်းမသိရဘူးလေ ၊ သူတို့ပြောတဲ့စကားတွေက မှန်နေတာကိုး။၏
          အဲဒါဆို အစ်ကိုပြောပြမယ်။ အစ်ကို့ သူငယ်ချင်းကစနေ၊ သူ့အမျိုးသမီးက ဗုဒ္ဓဟူး။ သူတို့ ကျတော့ ဘာဖြစ်လို့ညားတာတစ်နှစ် မပြည့်ခင် ကွဲရတာလဲ။ ဒီလိုရှိတယ် ညီမရဲ့၊ စနေက (၇)မျိုး တောင်ရှိတယ်။ ဘာစနေလဲ၊ (၁)ကြွင်းစနေလား၊ (၂)ကြွင်းစနေလား ကိုယ်က ဘာမှန်းသိသေး တာ မဟုတ်ဘူး။ ဗုဒ္ဓဟူးကျတော့ရော (၁)ကြွင်းဗုဒ္ဓဟူးလား၊ (၂)ကြွင်း ဗုဒ္ဓဟူးလား၊ ဗုဒ္ဓဟူး(၇)မျိုး တောင်ရှိတယ်။
          တစ်ယောက်နဲ့တစ်ယောက် မေတ္တာရှိတဲ့အချိန်ကတော့ အဲဒါတွေမေးလို့လား။သူ့ကို နှစ်သက်လို့လား။ ဒါမှမဟုတ် မွေးနေ့အဓိကလား။ ရုပ်ကလေးကလည်းချောမယ်။ ပညာလေးက လည်း တတ်မယ်၊ ပိုက်တဆံ ကလေးရှိရင် ရွေးလိုက်တာပဲ။
          သူ့ရဲ့စိတ်နေစိတ်ထားကို သီလပိုင်းတွေကို သိပ်ပြီးထည့်စဉ်းစားတာ မဟုတ်ဘူး။ ဒီက အစ်ကိုတို့ဆရာကြီး တီထွင်ဖော်ထုတ်ထားတဲ့ လောကဓံပညာခန်းမှာက အဲဒီကိစ္စတွေကို အရမ်း ပိုင်တယ်။ တိကျတယ် ၊ ဘာနေ့လဲ၊ ဘာကြွင်းလဲ၊ လူနက္ခတ် ၊ ဘီလူးနက္ခတ်ဘာမှ အတင်းလိုက်မေးစရာ မလိုဘူး။ ဒီခေတ်လူငယ်ပိုင်းတွေကလည်း ဒါတွေကို သိမှာမဟုတ်ဘူး။ ကိုယ့်ပညာနဲ့ ကိုယ်တွက်ထား လိုက်ရုံပဲ။ဒါတွေကို သိမှာမဟုတ်ဘူး။ ကိုယ့်ပညာနဲ့ ကိုယ်တွက်ထားလိုက်ရုံပဲ။ ကံမြင့်တဲ့သက္ခတ် ရောက်နေရင် ဘယ်သူနဲ့တွေ့တွေ့ ကောင်းမှာပဲ။ ကံနိမ့်တဲ့ သက္ခတ်ရောက်နေရင် ဘယ်သူနဲ့ အိမ်ထောင်ပြုပြုဆိုးမှာပဲ။
          ကိုယ်က ကံနိမ့်နေပါတယ်ဆိုမှ တွေ့တဲ့ ယောကျာ်းလေး၊ မိန်းကလေး ဘယ်မှာစိတ်ချလို့ရမှာလဲ၊ ကိုယ်ကတောင်ကံနိမ့်နေတာ ကိုယ်နဲ့တွေ့တဲ့လူကကော ကံကောင်းတဲ့လူဖြစ်ပါဦးမလား၊ လူကောင်း တွေကော ဖြစ်ပါဦးမလား။
          အမှန်မှာက လူတွေက သတိမထားကြလို့ပါ။ အလိမ်ခံရတယ်၊ အခိုးခံရတယ်၊ အိမ်ထောင်ရှိတဲ့ ယောကျာ်းကလိမ်ပြီး သူ့ကိုယ်သူ လူပျိုပါလို့ လာပြောနေတယ်။ အကြမ်းအားဖြင့် ကံနိမ့်နေတဲ့အချိန်မှာ အလိမ်အကောက်တွေနဲ့ ကြုံနေတာပဲ။
          ထီတွေပေါက်၊ ရာထူးတွေတက်၊ ပိုက်ဆံတွေဝင်နေရင်လည်း အကြမ်းအားဖြင့် ကံကောင်းနေ ပြီလို့ ယူဆလို့ရတယ်။ ဒါပေမဲ့ အသေးစိတ်မှာတော့ လောကဓံပညာခန်းနဲ့ စစ်ဆေးမှပဲ ရမယ်။
          လူတွေက တော်တော်များများ သဘာဝတရားရဲ့လျှို့ဝှက်ချက်ကို သတိမထားမိကြဘူး။ ဥပမာ- မနက်ဆို်ရင် မိုးလင်းတယ်၊ စီးပွားရှာရမယ်။ ညဆိုရင် မိုးချုပ်တယ်။ အိပ်စက်အနားယူမယ်။ မနက်ဆိုရင်  တံခါးဖွင့်မယ်၊ ညဆိုရင် တံခါးပိတ်မယ်၊ အိပ်မယ်၊ တချို့က တစ်ညလုံး အလုပ်လုပ်၊ မနက်ဆိုရင်နေမြင့် တဲ့အထိအိပ်၊ တစ်နေကုန် အိပ်နေတာ ပြောင်းပြန်ကြီး၊ လာဦးမယ် ကျွန်တော်က ညဘက်အလုပ်ဆင်းရ တာ အဲဒါမှ ပိုက်ဆံရတာတို့''
          ''ရမှာပဲ၊ မရဘူးလို့ပြောနေတာမဟုတ်ဘူး။ ဒါပေမဲ့ ရေရှည်တော့မရဘူးကြာရင် ကျန်းမာရေး ထိခိုက်လာမယ်။ ကိုယ်ရတဲ့ငွေကို ကိုယ်မသုံးရဘူး။ ဆေးဖိုးနဲ့ ကုန်မယ်၊ သဘာဝမှ မဟုတ်တာ''
          ''ကဲ --- ကဲ ၊ ညီမက အစ်ကိုရဲ့ တပည့်ပုံစံနဲ့ အမေးအဖြေလာလုပ်နေတော့ အလုပ်အတွက် ရေနွေးတို့လက်ဖက်သုပ်တို့ လုပ်ပါဦး ဆရာလည်း ရှင်းရတာ မောနေပြီ''
          ''အင်းပါ အစ်ကိုရဲ့ ၊ နားထောင်လို့ ကောင်းလို့ပါ၊ ပြီးတော့ ဆက်ရှင်းပေးရမယ်နော်''
          ပြောပြောဆိုဆို ကျွန်ုပ်၏မဟေသီက ကိုရီးယားဇာတ်လမ်းတွဲထဲက (အွန်စောနဲ့ လီရောင်ဂျေး) ၀က်ဝံကလေးစတိုင်လုပ်ပြ၍ ပြောင်စပ်စပ်နှင့်နောက်ဖေးဝင်သွားသည်။)
          ကျွန်ုပ်သည်ဇနီးသည်နောက်ဖေးတွင် လက်ဖက်သုပ်နေစဉ် ကျမ်းရင်းလင်္ကာအတွဲ(၁)စာမျက်နှာ (၁၆၃)တွင် ဆရာတော်ကြီး ဖွင့်ဆိုထားချက်များကို ပြန်လည်စဉ်းစားနေမိသည်။
          ဥသာ ၊ စိန်ပန်း မိတ်အဖွင့်
          မိတ်လိုပြန်ရာ ၊ ဥသာစိန်ပန်း ဒန်းလှကိုရှာ ဟူသော ကျမ်းရင်းစကားသည် သ၀ိညာဏက သက်ရှိ၊ သက်မဲ့မဟူ တနင်္ဂနွေနှင့် သောကြာသည်လည်းကောင်း၊ တစ်နည်းတုံ သောကြာနှင့်တနင်္ဂနွေ သည် လည်းကောင်း အပြန်အလှန်ထိခိုက်ကြသဖြင့် အေးမြခြင်း၊ ချမ်းသာခြင်း၊ အကျိုးပြီးစီးခြင်းတို့နှင့် ပြည့်စုံရာသည်တို့ကို သတ္တဗီသ အကြေပြု၍ ပြဆိုခြင်းမှတ် ၊ ထိုစကားသည် ထင်ရှားလတ္တံ့။ တနင်္ဂနွေ  ဂြိုလ်သည် ဂဠုန်စီးလျက် အရှေ့မြောက်ထောင့် ဂြိုလ်သက်အားဖြင့် (၆)နှစ်နေသည်။ သောကြာဂြိုလ် သည် ပူးစီးလျက်မြောက်အရပ်၌ ဂြိုလ်သက်အားဖြင့်(၂၁)နှစ်နေသည်။ ထိုသို့ဂြိုလ်သက် အချင်းချင်း နှစ်ပါးပေါင်းသဖြင့် (၆)နှစ်လည်းကောင်း၊ (၂၁)နှစ်လည်းကောင်း နှစ်ဆယ့်ခုနှစ်ပါးရှိသော သတ္တဗီဒ နက္ခတ်ကြေကို အစွဲပြု၍ အပြန်အလှန် ထိခိုက်တတ်လျက် မိတ်ဂြိုလ်ဟူ၍ လည်းကောင်း၊ အိမ်ထောင်ဖက်ဂြိုလ်ဟူ၍ လည်းကောင်း တနင်္ဂနွေနှင့် သောကြာစပ်လျက် ထားအပ်သည်။
          ''အစ်ကိုရေ ---- လက်ဖက်သုပ်ရပြီ''
          ''သြော် ---- အေး အေး ၊ လာ ညီမ''
          မဟေသီနောက်ဖေးမှ လက်ဖက်ပန်းကန်နှင့်ရေနွေးအိုးကိုင်ကာ ထွက်လာမှ ကျွန်ုပ်၏ အတွေးရေ ယာဉ်ကြော ပြတ်သွားသည်။
          ''ညီမကို အစ်ကိုစောစောက ရှင်းပြခဲ့သလို နေနဲ့ညကံအနိမ့်ပိုင်း အမြင့်ပိုင်းသဘောသဘာဝ တွေကို ညီမသိသွားပြီဆိုရင် အခု ဥသာ၊ စိန်ပန်း၊ ဒန်းလှကိုရှာတဲ့ လင်္ကာပေါ်မှာ အတုလဆရာတော် ခင်ကြီးဖျော်ရဲ့ အယူအဆနဲ့အသုံးပြုပုံကို ထပ်ရှင်းပြဦးမယ်။
          ဆရာတော်ကြီးရဲ့ ယူဆချက်က ဒီပညာခန်းဟာ သက်ရှိ၊ သက်မဲ့၊ အနာရောဂါ ၊ တစ်ဦးနဲ့တစ်ဦး အပြန်အလှန် ချစ်စေလိုမှု ရလိုတဲ့ကိစ္စ ၊ မိဘနဲ့သားသမီး အိမ်ထောင်ဖက်အချင်းချင်း မင်းစိုးရာဇာတွေနဲ့ အဆင်ပြေဖို့အများကြီးပဲ။ ဒါပေမဲ့ သာမန်လူတွေက အိမ်ထောင်ဖက်လောက်ပဲ သိကြတာ''
          ''အစ်ကို ---- ဒါဆိုရင် အစ်ကိုပြောပြနေတဲ့ ဓာတ်ဆင်ဓာတ်ရိုက် ပညာခန်းဆိုတာလား''
          ''ဒါပေါ့ ညီမရဲ့ ၊ အဲဒါ ဓာတ်ဆင်ဓာတ်ရိုက် ပညာခန်းကို တိုက်ရိုက်ညွှန်းထားတာပဲ။ စာ(၆)တန်း လို့ (အဆို)ရှိတဲ့ အင်္ဂ၀ိဇ္ဇာပညာခန်းဟာ ဓာတ်ဆင်၊ ဓာတ်ရိုက်၊ ဗေဒင်၊ ဆေး ၊ အင်းပညာ၊ လုပ်ရပ်လမ်း (အဂ္ဂိရ) ပညာ အဲဒီမှာအသုံးဖို့ပြဋ္ဌာန်းထားတာပဲ''
          ''ဒါဆိုရင် ညီမကို အခြေခံကစပြီး ရှင်းပြပါလား၊ သူငယ်ချင်းတွေ မေးရင် ပြည့်ပြည့်စုံစုံ ပြန်ဖြေလို့ ရတာပေါ့''
          ''ရှင်းပြမှာပေါ့ ညီမရဲ့၊ ဒါမှလည်း ညီမ ဒီပညာခန်းအပေါ်မှာ အမြင်ရှင်းမှာ''
          ''ကဲ --- ရှင်းမယ်ဆိုရင် ဇယားလေးနဲ့ ရှင်းမှရမယ်''
          ဇယားမှာ ကြည့်လိုက်ရင် ဂြိုလ်သက်တွေ ပေါင်းထားတာ (၂၇) (သတ္တဗီသနက္ခတ်) ရနေတာကို ညီမတွေ့ရလိမ့်မယ်။ အသုံးပြုတဲ့နေရာ အပိုင်း(၃-၄)ပိုင်းလောက်ကွဲသွားတာကို တွေ့ရလ်ိမ်မယ်။ တနင်္ဂနွေသား/သမီးနဲ့ အဆင်မပြေရင်လည်း သုံးလို့ရတယ်။ ဒါမှမဟုတ် တနင်္ဂနွေနံရောဂါ အစာအိမ်၊ အူကျ၊ ခေါင်းကိုက်၊ အူရောင်တာတို့ ဖြစ်ရင်လည်း ဒါကိုပဲ သုံးတယ်။ တနင်္ဂနွေနံအတွက် အမှုဖြစ်တာ အနိုင်ရဖို့၊ အိမ်ငှားမရလို့ စိတ်ညစ်နေတာမျိုးတွေလည်း သုံးလို့ရတယ်။
          ဆရာတော်ကြီးရဲ့ ကျမ်းရင်းလင်္ကာအတွဲ(၁) စာမျက်နှာ (၁၆၄)၊ အပိုဒ်(၂)မှာ  ၄င်းဥသာ၊ စိန်ပန်းဓါတ်တို့သည် ကာယိကဒုက္ခ၊ စေတသိကဒုက္ခ နှစ်ပါးသော ကိုယ်၏စိတ်ဆင်းရဲမှု၊ စိတ်၏ ဆင်းရဲမှုတို့ကို ပျောက်ကင်း၍ ကောင်းကျိုးမင်္ဂလာတို့ကို ဖြစ်စေ၏လို့ အခိုင်အမာ ဖွင့်ဆိုထားတာ ညီမရဲ့
          အချိန်တွေဘာတွေကော အဲဒီမှာသုံးရသေးလား
          သုံးရတာပေါ့ညီမရယ်၊ ဒီပညာခန်းကို အသုံးပြုတော့မယ်ဆိုရင် ကိုယ်သုံးမယ့် သက်ရှိ/သက်မဲ့၊ ရောဂါပစ္စည်းအစရှိတဲ့ နံတွေရဲ့ ဂြိုလ်ဂဏန်းကို အရင်ရွေးပြီးရင် အဲဒီဂြိုလ်တိုင်ရဲ့ စတုရန်းနေ့၊ တြိရန် အခါကို ထပ်ပြီးရွေး၊ ပြီးရင် တန်ခိုးကြီးဘုရားကိုသွားပြီးတော့ ဂြိုလ်တိုင်ရဲ့ စတုရန်းထောင့်မှာ အဲဒီဂြိုလ်နဲ့ သတ္တဗီသမိတ်ကျတဲ့ ပန်းကိုဂြိုလ်သက်အလိုက်လှူရင် မိမိရဲ့ကိုယ်စိတ်နှစ်ပါး ချမ်းသာမှု ရမယ်လို့ အဆိုရှိတယ်။
          တနင်္ဂနွေဂြိုလ်တိုင်နဲ့ ဥပမာပြပေးလိုက်မယ်၊ ဒါမှ ညီမပိုရှင်းသွားမှာ။

                             ၅                                    ၅
                             ၂                                    ၂
                             ၆                                    ၆
                   (၁)x မိတ်ဂြိုလ် (၆)ကြာ                   (၁)x (သီဟိုဋ္ဌ်)၂၁ညွှန့်(ဥသာ) 
                             ၄ (စတုရန်းနေ့)                   ၄
                             ၀                                    ၀
                             ၃(တြိရန်း)အခါ                    ၃
          ``အစ်ကို ညီမကို လှူမယ့်ဘုရားကျတော့ ရောထပ်ရွေးရမှာလား´´
          ``ဘုရားတွေကတော့ ဘယ်ဘုရားမဆို တန်ခိုးကြီးတာပါပဲ။ ဒါပေမယ့် ပိုပြီးတော့ ဓာတ်သက် ၀င်ချင်ရင်တော့ ဂြိုလ်တိုင်ရဲ့(အညွန့်)ဘုရားကိုလှူရင် ပိုပြီးကောင်းတာပေါ့။
          ၀ိဇ္ဇာစရ (နယ) ပညာခန်းတွေမှာ (တြိ+စတု)ကို သုံးရင်(အညွန့်)ကိုပါ ထည့်သုံးတယ်။ ဒါမှ ကိုးန၀င်းဓာတ်ကို အပြည့်အ၀ရမှာ´´
          ဒါဆိုရင် တနင်္ဂနွေသားက အိမ်ထောင်ပြုရင် သောကြာသမီးနဲ့ဆိုတဲ့လင်္ကာက ပုံသေမဟုတ်ဘူး ပေါ့နော်အစ်ကို၊ ဟိုအ်ိမ်ထောင်ဖက်အသက်ရှည်ဆိုတာလည်း မဟုတ်တော့ဘူးပေါ့။
          ``တိုက်ရိုက်ကြီးတော့ ကိုယ်မဆိုလိုပါဘူး၊ ယူထားတဲ့ သူတွေလည်းရှိတာပဲ။ မြဲချင်ရင် မြဲနေတာပဲ၊ ကွဲရင်လည်းကွဲတာပဲ။ ဒါပေမယ့် ကံအနိမ့်အမြင့်က ပိုအရေးကြီးတယ်။ ဒီလင်္ကာကိုတော့ အိမ်ထောင်ပြုတဲ့နေရာမှာ သွားမသုံးနဲ့ မှားသွားလိမ့်မယ်။
          အစ်ကို့မိတ်ဆွေ တနင်္ဂနွေသားတစ်ယောက်ကို ဘယ်လိုလုပ်မလဲ။ သူယူထားတာက ဗုဒ္ဓဟူးသမီး အုန်းမနွေးခင် ကွဲမယ်ဆိုတဲ့ဥစ္စာ၊ ခုပဲကလေး(၁၃)ယောက်ရနေပြီ။ အငယ်ဆုံးကလေးတောင် (၁၂)ယောက် ကျော်သွားလို့ ကလေးနာမည်းကို ဒါဇင်ကျော်လို့  ပေးထားတယ်´´
          ``ဟယ် အစ်ကိုကလည်း ပေါက်ပေါက်ရှာရှာ´´
          `` အဟုတ်ပြောတာ ညီမရဲ့၊ အဲ့ဒီ ဓမ္မာ၊သောက၊ အင်းဝ၊ ရာဇာဆိုတဲ့ လင်္ကာကိုအသုံးချပုံကို နောက်နေ့ကျမ ရှင်းပြပါဦးမယ်။ အခုတော့ (၁၂)နာရီထိုးနေပြီ၊ အစ်ကိုလည်းအိပ်ချင်ပြီ´´
          ``နေပါအုန်း အစ်ကိုရဲ့ ကျွန်မသူငယ်ချင်းတွေးကိုလည်း ရှင်းပြပြီး ဆွဲခဲ့ပေးပါဦး´´
          ``အင်း ညီမကလည်း တောင်းဆိုနေပြီဆိုတော့ အချိန်မရလည်း ဆွဲပေးရမှာပေါ့။ ဒီပညာက သတ္တ၀ါတွေကို ကယ်တင်တဲ့ပညာပဲ။ ဒီပညာခန်းကြောင့် လူတွေကောင်းကျိုးရရှိသွားခဲ့တယ်ဆိုရင် အစ်ကိုလည်း ကုသိုလ်ရတာပေါ့။
          ဒီဇယားကို ညီမရဲ့သူငယ်ချင်းတွေကို ပြရင်းနဲကသူတို့ကို ပြောပြလိုက်ပါ။ အိမ်ထောင်တစ်ခု ပြုတဲ့နေရာမှာ တစ်ဦးနဲ့တစ်ဦး အပြန်အလှန်နားလည်မှုရှိဖို့လိုတယ်။ မေတ္တာစစ်နဲ့ချစ်ဖို့လိုတယ်။ ကိုယ့်ရဲ့ ကံအမြင့်ပိုင်းတွေမှာ အိမ်ထောင်ပြုဖို့ရတယ်။ မိဘတွေရဲ့ ခွင့်ပြုချက်ကိုရရှိဖို့လိုတယ်။
          ကိုယ့်ရဲ့ကံအနိမ့်ပိုင်း သက္ခတ်ကို ရောက်မှအိမ်ထောင်ပြုလို့ရှိရင် ဥသာ၊ စိန်ပန်း၊ ဒန်းလှ၊ ကိုရှာ တွေဘာတွေလာလုပ်မနေနဲ့ ကွဲမှာပဲ၊ ကံအမြင့်ထဲမှာ ရရင်အိမ်ထောင်ပြုရင် တနင်္ဂနွေနဲ့ ဗုဒ္ဓဟူးလည်းမြဲ မှာပဲ။ ``သမီးကညာအခါမလင့်စေနဲ့´´ ဆိုတဲ့စကားပုံကို ပြန်လေ့လာကြည့်ရင် (အချိန်ကာလ)ဟာ သမီး မိန်ကလေးမွေးထားတဲ့ သူအတွက် အရေးကြီးတယ်ဆိုတာပဲး။ ယောကျာ်းလေးတို့ဘုန်း လက်ရုံးဆိုပြီး ကိုယ့်သားကို အလေးမတဲ့ရုံသွားပြီး အချိန်ကုန်ခံခိုင်းမနေနဲ့၊ ဘာအလုပ်မှမရှိတဲ့ လူတစ်ယောက်ကို ဘယ်သမီးရှင်ကမှ လက်ခံမှာမဟုတ်ဘူး။ ညီအနေနဲ့ သူတိ်ု့ကို အဲဒီလောက်ရှင်းပြရင် လုံလောက်ပါပြီ။

          စာဖတ်သူများအနေနှင့်  ဆောင်းပါးကိုဖတ်ပြီးမှသာ စိန်၊ ပန်း၊ ဒန်းလှ၊ ကိုရှာ လင်္ကာစာပိုဒ်နှင့် ပတ်သက်ပြီး အမှန်ကိုမြင်ကာ အမြင်မှန်ကိုရရှိကြပါစေ။

No comments:

Post a Comment