Thursday, March 8, 2018

မေးခွန်းကပေးသောအဖြေများ


မေးခွန်းကပေးသော အဖြေများ(၁)

        ကျွန်ုပ်ဖြတ်သန်းခဲ့သော ဗေဒင်ဆရာဘ၀တွင် အလွန်ထူးဆန်းသောမေးခွန်းများနှင့် အံ့သြ ဖွယ်ရာတိုက်ဆိုင်မှုများ၊ အင်္ဂ၀ိဇ္ဇာပညာ၏ ထူးခြားသောအံ့ဖွယ်သတ္တိများမှာ ပြောပြ၍မကုန် နိုင်အောင် ရှိနေပါသည်။ ထိုမေးခွန်းများမှာ သူတို့မေးလို့သာဟောလိုက်ရသည်။ အမှန်မှာ သူတို့မေးသော မေးခွန်းတွင် အဖြေပါလာတာ သူတို့ကိုယ်တိုင် မသိကြရှာပေ။
        တချို့ကမေးသည်။
        `ကိုထွဋ် ခင်ဗျားက ကျင့်စဉ်တွေဘာတွေ အောင်ထားသလား။
        အကြားအမြင်ကော ရနေပြီလား´
        ကျွန်ုပ်ကတော့ ရှင်းရှင်းပဲဖြေလိုက်ပါတယ်။
        `ကျင့်စဉ်လည်းမလုပ်၊ အကြားအမြင်လည်းမရ၊ ဗေဒင်ပညာနှင့်သာ ဟောပါတယ်လို့´ သူတို့ အားလုံးကို ပြန်ဖြေလိုက်ပါသည်။
        သူတို့ဆိုတာကလည်း ကျွန်ုပ်ကိုလည်း အထင်မကြီး၊ ကျွန်ုပ်လေ့လာနေသော ဗေဒင် ပညာကိုလည်း မယုံတယုံ၊ မဟာဘုတ်မဟုတ်ပါလို့ ပြောလိုပြော၊ ဗေဒင်ပညာဆိုတာ (၇)ရက်သင်ရင် တတ်တယ်တဲ့။
        ကျွန်ုပ်လေ့လာနေတာ (၁၀)နှစ်ရှိပြီ။ ယခုထိ မဟာဘုတ်ပညာ ဆုံးခန်းမတိုင်သေးပါ။ ကိုယ့်ကိုယ်ကို ဗေဒင်တတ်ပြီလို့ မကြေညာရဲသေး။ ထားပါတော့လေ-- ဒါတွေက သိပ်အရေး မကြီးပါဘူး။
        အရေးကြီးတာက ကျွန်ုပ်ကို အံ့သြစရာကောင်းတဲ့ မေးခွန်းမေးသွားတာ ထူးထူးဆန်းဆန်း လူတစ်ယောက်ကြောင်းကို ပထမဦးဆုံး ပြောပြရပါမည်။
        သူ့နာမည်က ကိုဇံဝင်း။
        သူရဲ့မွေးနေ့ သက္ကရာဇ်နဲ့ မွေးနံကိုတော့ ကျွန်ုပ်မမေးမိလိုက်ပါ။ ကျွန်ုပ်နှင့် ကျွန်ုပ်၏တပည့်များ လက်ဖက်ရည်ဆိုင်တွင် လက်ဖက်ရည်သောက်ရင်း ပညာခန်းတွေ ဆွေးနွေးချိန်တွင် ၄င်းသည် ကျွန်ုပ်တို့ထိုင်နေသော စားပွဲဝိုင်း၏ ဘေးက၀ိုင်းတွင် ၀င်ရောက်ကာ-
        `ဟာ --- ဆရာထွဋ်တို့အဖွဲ့ပါလား။ အတော်ပဲ --- ကြုံတုန်း ကျွန်ုပ်တော်လည်း ဆရာထွဋ်ကို မေးစရာလေးတစ်ခု ရှိတာနဲ့။ ကဲ--- ဆရာထွဋ် ကျွန်တော့ကို ဟောစမ်းပါဗျာ။ ကျွန်တော်ဒီလဆန်းမှာ အလုပ်တစ်ခုလုပ်မလို့။ အဲဒါ အောင်မြင်မှုရှိမရှိ ဟုမေးလည်းမေး၊ လက်မှလည်း လက်ဖျောက်တစ်ချက်ကို `ဖျောက်´ ခနဲ တီးလိုက်ပါသည်။
        အမှန်တော့ သူနှင့်ကျွန်ုပ် ရင်းနှီးကာ မှန်ပါသည်။ ဒါပေမဲ့ သူအခု ဗေဒင်မေးတဲ့ပုံစံကို ကျွန်ုပ်စိတ်ထဲ သိပ်ဘ၀င်မကျ။ ဘေးမှကျွန်ုပ်၏ တပည့်များလည်း မျက်စိပျက်မျက်နှာပျက် ဖြစ်ကုန်ကြ၏။
        ကျွန်ုပ်လည်း အေးဆေးတည်ငြိမ်စွာဖြင့် လက်မှနာရီကိုတစ်ချက် ကြည့်လိုက်သည်။
        အချိန်က (စနေချိန်)
        စနေတိုင်ရဲ့ သတ္တိနဲ့အားက ပူဇော်မှုနှင့် လှုပ်ရှားမှု၊ အကျဉ်းအကျပ်ဖြစ်စေသော ဆန့်ကျင်ဘက် မျိုးကွဲဥပဒေ။
        ၄ (န၀င်း)                          ပူဇော်ခံရမှု
       
       
       
       
        ၆ (ခိုက်)                            လှုပ်ရှားမှု၊ အကျဉ်းအကျပ်
       
        သူ့ရဲ့မေးလိုကတဲ့ပုံစံ (လက်ဖျောက်တီး) လိုက်တဲ့အခါ `ဖျောက်´ခနဲ ထွက်လာသော အသံနှင့်ဆိုင်သော သောကြာဂြိုလ်မှာ (ခိုက်)တွင် ရပ်တည်နေပြီး ဗေဒင်ဆရာတို့ မထီမဲ့မြင် ပြုလိုက်သော ပုံစံ (လှုပ်ရှားမှု)မှာလည်း (ခိုက်)နေရာမှာပင် ရပ်တည်နေပြန်ပါသည်။ ပြောလိုက်တဲ့ စကားမှာလည်း ဆရာနှင့်တပည့် ရိုသေစွာပြောရမည့်စကားမျိုးမဟုတ်။ သောကြာ (ခိုက်)နေခြင်းမှာလည်း စကားနှင့်ပင် သက်ဆိုင်နေသည်။
                (လူ)
       
       
       
       
        ၆ (လက်ဖျောက်သံ)
       
        ထို့ကြောင့် ကျွန်ုပ်က `ကဲ -- ကိုဇံဝင်း ခင်ဗျားရဲ့ စီးပွားရေးလုပ်ငန်းတွေအားလုံး (၄)ပတ်၊ တစ်လအတွင်းပျက်စီးမယ်´
        `ဗျာ --- ကိုထွဋ် --ဟာ --- ခင်ဗျား ပါးစပ်ပုတ်ကြီးနဲ့ နိမိတ်တွေဖတ်နေပြန်ပြီ။ တော်ပြီဗျာ-- ခင်ဗျားကို ဗေဒင်မေးတော့ဘူး´ ပြောပြောဆိုဆို လက်ဖက်ရည်ဆိုင်အတွင်းမှ ရှူးရှူးရှဲရှဲဖြင့် ပြန်ထွက်သွားပါသည်။
        ရော--- ခက်တော့နေပြန်ပြီ။ သူကိုလည်း ဗေဒင်မေးပါလို့ မတိုက်တွန်းဘူး။ သူ့ဘာသာသူ မေးပြီးသူကပဲ ဒေါသထွက်ရသေးတယ်။ အဲဒီမှာ ထပ်ခိုက်နေပြန်ပြီ။
        ကျွန်ုပ်မှ သင်တန်းသားများကို ဗဟုသုတစေရန် ဆက်လက်၍ တပည့်တို့ အခု ဆရာဟောလိုက်တဲ့ အချက်ကို သေသေချာချာ ဂရုစိုက်ကြည့်ကြပါ။ ဒီနေရာမှာ သူ့ကိုတို့က မွေးနေ့လည်း မမေးဘူး။ အရောင်လည်းမကြည့်ဘူး။ ခုနှစ်သက္ကရာဇ်နဲ့လည်းမတွက်ဘူး။ (န၀င်း)နဲ့ (ခိုက်)ရဲ့ သဘာဝရပ်တည်မှု၊ ဖောက်ပြန်မှု ဒီနှစ်ချက်ရဲ့ အားသာချက်နဲ့ အားနည်းချက်ကိုကြည့်ပြီး ဟောလိုက်တာပဲ။
        မကြာပါ တစ်လဆိုသော အချိန်ကာလသည် ဟိုရွှေ့သည်ရွှေ့နှင့် ပြည့်သွားခဲ့ပြီ။
        တစ်လပြည့်သောနေ့---။
        အဲဒီနေ့ကို ကျွန်ုပ်ကောင်းကောင်းကြီး မှတ်မိနေခဲ့ပါသည်။
        ကိုဇံဝင်းတစ်ယောက် ကျွန်ုပ်ရှိရာ တောင်ဥက္ကလာပ၊ ဟေမ၀န်ဈေးအတွင်းရှိ (ဗိုလ်ထွဋ်) လက်ဖက်ရည်ဆိုင်သို့ ဆိုက်ဆိုက်မြိုက်မြိုက်ကြီး ပြန်ရောက်လာပါသည်။
        ''ဝေး --- ဆရာထွဋ်''
        ကျွန်ုပ်မှာ အလုပ်လုပ်နေရာမှာလှမ်း၍ -
        ''ဟာ --- ကိုဇံဝင်းကြီးပါလား ၊ ဘယ်ကလှည့်လာတာလဲ''
        ''ဒီကို သက်သက်လာခဲ့တာပဲ --- ဆရာထွဋ်ရေ ၊ ဆရာထွဋ်ရဲ့ အင်္ဂ၀ိဇ္ဇာဟောချက်တွေ မှန်လိုက်တာဗျာ။ ကျွန်တော်နဲ့ကျွန်တော်မိတ်ဆွေစပ်တူလုပ်ငန်းတွေ လုပ်လိုက်တာ တစ်လ တည်းနဲ့ ငွေ(၁၀)သိန်းလောက် ရှုံးသွားတယ်''
        ''ဟဲ --- ဟဲ --- ဒါပေမဲ့ ကိစ္စမရှိပါဘူး။ နောက်တစ်ခုထပ်ကြိုးစားရဦးမယ်''
        ကျွန်ုပ်မှာ ထပ်မံ၍အံ့သြရပြန်ပါပြီ။
        ငွေ (၁၀)သိန်း ကုန်သွားတာတောင် အပြုံးမပျက်ပါလား။ လောကကြီးမှာ ဒီလိုလူမျိုးတွေ လည်း ရှိသေးတာပဲလို့။
        နောက်တစ်ယောက် ----- သူ့နာမည်က ကိုထွန်းထွန်း။
        ကျွန်ုပ်နဲ့သိတဲ့အချိန်မှာ သူကနက္ခတ်ဗေဒင်ကို အသည်းအသန်လိုက်စားနေချိန်။ ကျွန်ုပ်၏ အင်္ဂ၀ိဇ္ဇာပညာ ကိုအထင်မကြီး။
        တစ်နေ့ သူနှင့်ကျွန်ုပ် တောင်ဥက္ကလာပ ဟေမ၀န်ဈေးအတွင်းရှိ  (ဗိုထွဋ်) လက်ဖက်ရည် ဆိုင်မှာ ဆုံကြပြီ။


        သူကစ၍
        ''ကိုထွဋ်ရယ် --- အင်္ဂ၀ိဇ္ဇာပညာတွေကို လိုက်မနေပါနဲ့ဗျာ။ အချိန်ကုန်ပါတယ်။ ဘာမှ တိကျမှုမရှိပါဘူး။ နက္ခတ်ဗေဒင်ပညာကိုသာ လိုက်စားပါ''
        ကျွန်ုပ်သည် နက္ခတ်ဗေဒင်ပညာကိုမစော်ကားပါ။ ဒါပေမဲ့ သူ့ပုံသဏ္ဍန်နဲကတော့ နက္ခတ် ဗေဒင်ကိုတတ်ဖို့ လွယ်မည်မထင်။ ကျွန်ုပ်မှ -
        ''ဒီမှာ --- ကိုထွန်းထွန်း ဘယ်ပညာမဆို ကျွမ်းကျင်ဖို့ကသာ အဓိကပါ။ ပညာကိုလိုက်စား တဲ့ လူပေါ်မှာပဲ မူတည်ပါတယ်''
        ''ကဲ -- ဒီလိုဆို ခင်ဗျားတို့အင်္ဂ၀ိဇ္ဇာပညာနဲ့ ကျွန်တော့်ကိုဟောဗျာ။ ကျွန်တော် အခု ဘာဖြစ်နေလဲ ''
        တွေ့ကြပြီ --- အင်္ဂ၀ိဇ္ဇာပညာရှင်နဲ့ နက္ခတ်ဗေဒင်လိုက်စားသူ။ အချိန်ကအင်္ဂါချိန်။ ၀တ်လာတာက အနီရောင်။ မွေးနေ့နှင့်ခုနှစ် သက္ကရာဇ်မသိ။
                    (န၀င်း) ထင်ပေါ်မှု
                 
                    (စုတ်) အနီရောင် ၀တ်လာသည်
                 
                 
                  ၂ (ခိုက်) အကြွား
                 
        အင်္ဂါချိန်၏ မူလသတ္တိနှင့်သဘာဝအားတို့မှာ အိမ်ထောင်ရေးအရှုပ်နှင့်ထင်ပေါ်မှ ဂုဏ်သတင်းတို့ ဖြစ်ပါသည်။
        ကိုထွန်းထွန်း ၀တ်ဆင်လာသော အရောင်မှာ (အနီရောင်)သည်  (စုတ်) အိမ်ထောင်ရေး နေရာတွင်ရပ်တည်နေပါသည်။ ၄င်းပြောဆိုနေသော စကားတို့သည် (ခိုက်)ဌာနတွင် ရပ်တည် နေသော (တနင်္လာဂြိုလ်) အကြွားသဘောတို့ဖြစ်သောကြောင့် ၄င်းမေးသော မေးခွန်းတွင် အဖြေမှာအလိုလိုပါပြီးသားဖြစ်နေပါသည်။
        ''ဒီမှာ --- ကိုထွန်းထွန်း ----  ခင်ဗျားကို ကျွန်တော်သတိပေးလိုက်မယ်။ ခင်ဗျားအခု အိမ်ထောင်ရေးအရှုပ်တစ်ခုကြုံတွေ့နေတယ်။ ခင်ဗျားနဲ့ငြိစွန်းနေတဲ့ အမျိုးသမီးဟာလည်း မလွတ်လပ်သူတစ်ယောက်ဖြစ်နေတယ်။ အဲဒီကိစ္စနဲ့ပတ်သက်ပြီး တစ်ပတ်အတွင်း ခင်ဗျား အမှုအခင်းသဘောမျိုး ရင်ဆိုင်ရလိမ့်မယ်''
        ''ဗျာ --- ကျွန်တော် --- ဟဲ --- ဟဲ --- ဆရာထွဋ်ရယ် ၊ ယောကျာ်းလေးပဲ ဒီလောက်တော့ ရှိမှာပေါ့။ ဒါပေမဲ့ဆရာထွဋ်ရဲ့ပညာကိုတော့ လေးစားသွားပြီဗျာ။ ဒီပညာက နာမည်လည်း သိစရာမလို၊ ခုနှစ်သက္ကရာဇ်လည်း မမေးပဲ လူကိုကြည့်ပြီးတန်းဟောလို့ရတာပဲ''
        ''ဟေ့လူ -- ခင်ဗျား ရွှတ်နောက်နောက်လုပ်မနေနဲ့။ ဒီ (၇)ရက်အတွင်း ခင်ဗျား အိမ်ထောင်ရေးပြဿနာ အမှုအခင်းကြုံလိမ့်မယ်။ သတိထားနေဦး''
        ''ဟုတ်ကဲ့ပါ --- ဆရာထွဋ်ရဲ့ ၊ ကျွန်တော်က နောက်နေတာ မဟုတ်ပါဘူး၊ တကယ် အံ့သြလို့ပါ''
        (၇)ရက်ဆိုသောအချိန်သည် မြန်ဆန်လွန်းလှပေသည်။
        ကိုထွန်းထွန်း၏မိဘများ ပြောပြချက်အရ ကိုထွန်းထွန်းနှင့် ငြိစွန်းနေသော အမျိုးသမီး၏ အိမ်ထောင်ဖက်မှ ၄င်းတို့ကိစ္စကိုသိသွားပြီး  ကိုထွန်းထွန်းတစ်ယောက် တရားရုံးသို့ ရောက်ရှိ သွားကြောင်းသိလိုက်ရပါသည်။
        ပညာလိုလား အမျိုးကောင်းသားတို့ သိစေရန်အလို့ငှာ အင်္ဂါတိုင်၏ ဟောကွက်ကို အသေးစိတ် ထပ်မံရှင်းပြရသော် -
                  ၀ (ဂုဏ်သိက္ခာ)
                 
                  ၁ (အနီရောင်)
                 
                 
                  ၂ (အကြွား)
                 
        အင်္ဂါချိန်တွင် ဂုဏ်သိက္ခာ (န၀င်း) အောင်မြင်မှုရှိနေသည်မှာ မှန်သော်လည်း အကြွား အားကြီးလွန်းပါက (န၀င်း)တွင်ရှိသော (စနေ) ပရိယာယ်၊ ဂုဏ်သိက္ခာ ကျဆင်းတတ်ပါသည်။ ၄င်းဖြစ်မည့်ဂုဏ်သိက္ခာကျဆင်းမှုမှာ သူဝတ်ဆင်လာသော (အနီရောင်) ရပ်တည်မှုအရ အိမ်ထောင်ရေးနေရတွင်ရှိသောကြောင့် အိမ်ထောင်ရေး ပြဿနာတက်ခဲ့ပါသည်။
        နောက်တစ်ယောက်က တင်ထွန်းအောင်။
        သူကဗေဒင်လက္ခဏာစွယ်စုံရ အတတ်ပညာရှင် ၊ အကုန်တတ်၊ အကုန်သိ၊ သူပဲသိ၊ သူကလွဲရင် ကျန်သူ အားလုံးငတုံး။
        တစ်နေ့တွင် သူက ကျွန်ုပ်၏ လက်ဖက်ရည်ဆိုင်သို့ ရောက်ရှိလာကာ ''ကိုထွဋ်--- ကျွန်တော် ကားရောင်းချင်လို့''ဟုဆိုလာပါသည်။
        ''ကိုတင်ထွန်းအောင်ရယ် --- ခင်ဗျားကားရောင်းချင်တာ ကားပွဲစားတန်းမသွားဘဲ ဘာလို့ ကျွန်တော်ကိုလာပြောနေတာလဲ''
        ''ကျွန်တော့်နည်းနဲ့တွက်ပြီးပါပြီကိုထွဋ်ရဲ့။ ကိုထွဋ်တို့နည်းစနစ်နဲ့ထပ်တွက်ရင် ပိုသေချာ မလားလို့။ ကားကလည်းဝယ်ထားတုန်းက သိန်း(၄၀)ပဲပေးရတယ်။ အခုသိန်း(၈၀)လာပေး နေလို့။ ကျွန်တော်တော့ ရောင်းရင်ကောင်းမလားလို့''
        သူ၏ကံဇာတာကို ကျွန်ုပ်ထံတွင် လွန်ခဲ့သောလက တစ်ခေါက်လာစစ်ဆေးခဲ့၍ သူ၏ ကံလမ်းကြောင်းမှာ ကျွန်ုပ်တို့ဗေဒင်နည်းစနစ်အရ နိန္နာလောကဓံတွင် ကျရောက်နေသော ကြောင့် ၄င်းကားကိုရောင်းလိုက်ပါက ငွေအလုံးအရင်းနှင့် ၀င်လာခဲ့လျှင် သူ့ကျန်းမာရေးမှာ အလွန်ညံ့သွားမည်ဖြစ်ပါသည်။
        ''ကဲ --- ကိုတင်ထွန်းအောင် --- ခင်ဗျားရဲ့သက်ရောက်အရ ကားရောင်းပြီးရင်း---ဆေးရုံ တက်ရလိမ့်မယ်။ ဒါမှမဟုတ် ခင်ဗျားမဖြစ်ရင် ခင်ဗျားမိသားစုထဲက တစ်ဦးတစ်ယောက် ကျန်းမာရေး အကြီးအကျယ်ညံ့သွားမယ်။ အဲဒီတော့ ဒီကားကို ရောင်းလို့မရဘူး''
        ''အင်း-- ကိုထွဋ်က မရောင်းရဘူးလို့ (လေ)နဲ့ပြောနေတာ၊ ကျွန်တော်က (ငွေ)နဲ့ ရင်းထားရတာ။ သိန်း(၄၀)ရင်းပြီး သိန်း(၄၀)မြတ်တဲ့အလုပ်ကိုမှ ကျွန်တော်မလုပ်ရင် ဒီကမ္ဘာမှာ အမိုက်မဲဆုံးလူဟာ ကျွန်တော်ဟာဖြစ်သွားလိမ့်မယ်''
        ဟော --- လုပ်ပြန်ပြီ တစ်ယောက်။ သူ့ဘာသာသူကားရောင်းတာကို ကျွန်တော်ကို လာပြီး ရန်လာလုပ်နေပြန်ပါပြီ။ လာပြန်ပြီနောက်တစ်ယောက် (ခိုက်) စကားပြောနေပြန်ပြီ။
        ကျွန်ုပ်လည်း စိတ်ပေါက်ပေါက်ရှိ တာနဲ့ --
        ''ကဲ --- ကိုတင်ထွန်းအောင် --- ခင်ဗျားကားရောင်းတာ မရောင်းတာ ကျွန်တော် အလုပ် မဟုတ်ဘူး။ ခင်ဗျားကိုယ်ပိုင်ပစ္စည်းကို ကိုယ်ရောင်းချင်ရင်လည်း ရောင်းလို့ရတယ်။ မရောင်းချင်လည်း မရောင်းနဲ့။ အေး --- ဒါပေမဲ့ တစ်ခုတော့ မှာလိုက်ပါရစေ။ ခင်ဗျားမြတ်တဲ့ သိန်း(၄၀)ခင်ဗျားမသုံးလိုက်ရဘဲ ကုန်သွားလိမ့်မယ်။ မယုံရင် စမ်းကြည့်လိုက်ပေါ့''
        ကျွန်ုပ်နှင့် ကိုတင်ထွန်းအောင် မတွေ့တာ(၁)လခန့်ရှိသွားပြီ။ ကျွန်ုပ်လည်း ၄င်း၏ အဖြေမှန်ကို သိချင်သောကြောင့်သူ့တပည့်လေးရှိရာ တောင်ဥက္ကလာပ ဟေမ၀န်ဈေးတွင်းရှိ (ဂ)ရုံသို့လိုက်သွားပြီး တကူးတက သတင်းမေးမြန်းခဲ့ပါသည်။
        အဖြစ်က ၀မ်းနည်းစရာပါ။
        ကိုတင်ထွန်းအောင်တစ်ယောက် ကားရောင်းပြီး နောက်တစ်နေ့ ''မူးတယ်--- မူးတယ်'' ဆိုတာ အိမ်ခြံဝတွင်လဲကျသွားရာ နေအိမ်မှမိသားစုက ဆေးရုံသို့တင်လိုက်ရကြောင်း၊ ဘာ ရောဂါမှန်းမသိကြောင်း၊ အထူးကုများနှင့် ကုသနေရကြောင်း၊ ကားရောင်းရသမျှ ငွေများမှာ လည်း ဆေးကုလို့ကုန်သလောက်ရှိနေပြီဖြစ်ကြောင်း သတင်းအတ်ိအကျရခဲ့ပါသည်။
        ''သြော် --- ကိုတင်ထွန်းအောင်တစ်ယောက် သူမေးတဲ့မေးခွန်းရဲ့ အဖြေကိုသိသွားပြီး ကာကွယ်မှုတွေတောင် မလုပ်လိုက်ပါလား''
        အထက်ပါဖော်ပြခဲ့သော အဖြစ်အပျက်တို့သည် ကျွန်ုပ်ကိုယ်တိုင်ရင်ဆိုင်ခဲ့ရသော ဗေဒင် ဆရာဘ၀၏ အဖြစ်မှန်များပင်ဖြစ်ပါသည်။ ၄င်းမေးခွန်းနှင့်အဖြေများကို လေ့လာပါက စာရှုသူ များအနေနှင့် မေးခွန်းစမေးကတည်းက အဖြေများကို တွေ့ရမှာဖြစ်ပါသည်။ နောက်လများတွင် မေးခွန်းကပေးထားသော အဖြေများကို ဆက်လက် ဖော်ပြသွားပါဦးမည်။






No comments:

Post a Comment