Monday, March 19, 2018

ညားသူတိုင်းလည်းချစ်ကြပါစေ


ညားသူတိုင်းချစ်ကြပါစေ

          ကျွန်ုပ်ဆောင်ရွက်ပေးလိုက်တဲ့ အိမ်ထောင်ရေးကိစ္စတွေ တော်တော်များများအောင်မြင်မှု ရရှိတယ်ဆိုတဲ့ သတင်းတွေထွက်လာတော့ ကျွန်ုပ်ကို ကျွန်ုပ်ရဲ့မိတ်ဆွေက နှလုံးသားအထူးကုလို့ခေါ်လို့ခေါ် နှလုံးရောဂါ ဆရာဝန်လို့ခေါ်လို့ခေါ် အမျိုးမျိုးကင်ပွန်းတပ်ကြပါတယ်။ သူတို့က ကျွန်ုပ်ကို ဘယ်လိုပဲကင်ပွန်းတပ်ကြပါစေ။ ကျွန်ုပ်ကတော့ဘာမှမပြောဘဲ ပြုံးလို့သာနေခဲ့ပါသည်။
          ကျွန်ုပ်က ဘာမှမပြောလိုပါဘူးဟု ဆိုပေမယ့်ပြောချင်နေတဲ့ မိန်းကလေးတစ်ယောက်ကြောင့် ကျွန်ုပ်ရဲ့ ဘ၀မှာ မှတ်တမ်းတစ်ခု တိုးခဲ့ရပုံကတော့ - - -
          ''မျိုးတို့ရဲ့ကိစ္စကို ဆရာကလွဲလို့ ဘယ်သူမှမကူညီနိုင်ဘူးလို့၊ အိမ်ဘေးနားက သူငယ်ချင်းက ပြောလိုက်လို့ သူ့တို့အိမ်ထောင်ရေးကိစ္စကိုလည်း ဆရာကပဲဖြေရှင်းပေးတာ အခုအဆင်ပြေသွားပြီတဲ့
          အဲဒါက သူနဲ့ကျွန်ုပ်စတွေ့တွေ့ချင်းကပြောတဲ့စကား - - - ။ သူ့နာမည်က မျိုးမျိုး။ အသက် (၃၀)ကျော်နေ ပေမယ့် သူ့ရဲ့နုနယ်တဲ့မျက်နှာလေးကြောင့် ကျွန်ုပ်သူ့ကို (၂၀)ကျော်လောက်ပဲရှိမယ်လို့ ထင်ခဲ့မိတယ်။
          အဲဒီနေ့က သူနဲ့အတူ အဖော်တစ်ဦးပါလာသေးတယ်။ အဲဒီအဖော်က သောကြာသမီး။ သူတို့နှစ်ယောက် လည်း ကျွန်ုပ်ဆီကို တော်တော်ခက်ခက်ခဲခဲရှာလာရတာ ကျွန်ုပ်က အရင်ဟေမ၀န်ဈေးမှာ ဟောခန်းရှိတယ်။ အခုတော့ အမှတ်(၂၇၄) ၊မိဂသီ(၂၀)လမ်း၊ တောင်ဥက္ကလာပနေ အိမ်နဲ့ ကျိုက္ကဆံဘုရားအနောက်ဘက်မုခ် ဟောခန်းမှာပဲ ဟောတော့တယ်။
          မမျိုးမျိုးဆိုသူ မိန်းမချောလေးသည် သူ့အိမ်ထောင်ရေးကိစ္စကို ပွင့်ပွင့်လင်းလင်းပြောပြချင်တယ်ဟု ဆိုလာပါသည်။
          ကျွန်ုပ်ကလည်း သူရဲ့မွေးသက္ကရာဇ်အပြည့်အစုံကိုသိရပါက ပွင့်ပွင့်လင်းလင်းပဲ ဟောမည်ဟုပြန်ပြောခဲ့ ပါသည်။ သူမပြောပြသော ခုနှစ်သက္ကရာဇ်မအရ - - -
အမည်           -        မမျိုးမျိုး
မွေးသက္ကရာဇ်  -        ၂၄-၆-၇၆၊ ကြာသပတေးသမီး
ဗေဒင်စစ်ဆေးသည့်နေ့ရက် - ၂-၉-၀၇၊တနင်္ဂနွေနေ့ (မနက် ၁၁း၄၅)မိနစ်
ခေါ်ဆောင်လာသောအဖော်နိမိတ်      -        သောကြာသမီး
                                   
                                   
                                   
                  -၁-               -၁-
                                   
                                   
                                   
          (နေ့တိုင်)                 (အချိန်တိုင်)
(နေ့အဋ္ဌလဂ်) တနင်္လာတိုင်သည် ဒုက္ခံလောကမှာ --- လာရောက်၍ ရပ်တည်နေသောကြောင့် ကာယကံရှင်သည် အတူပူးတွဲအုပ်များနှင့် ပြဿနာတက်ခြင်း၊ အိမ်ထောင်ရေးသောကများကြုံခြင်းဟု ယူဆရပါမည်။
(နေ့တိုင်)       ကာယကံရှင်မွေးနေ့သည် (န၀င်းမှာ)ရပ်တည်ပြီး အချိန်တိုင်း၌ စတုရန်းဌာနတွင် ရပ်တည်နေ သောကြောင့် ဇာတာရှင်သည် တစ်ချိန်က ဥာဏ်ကောင်းသူ၊ ပညာထူးချွန်သူဖြစ်ကြောင်း၊ ကျောင်းဆရာမ (သို့) အတတ်ပညာကို ဥာဏ်နှင့်လုပ်ကိုင်စားသောက်သူဖြစ်ကြောင်းနှင့် အချိန်တိုင် (နာ)ကြောင့် အိမ်ထောင်ရေး ပြဿနာများကြုံတွေ့နေရကြောင်း အကြမ်းယူဆရပါမည်။
(လောကဓံ)    ကာယကံရှင် အသက် (၃၂)နှစ်မှာ စနေဂြိုဟ် (နိန္ဒာလောကဓံ)ဖြစ်သောကြောင့် ကာယကံရှင် မွေးနံ ကြာသပတေးနှင့်စနေဂြိုလ်သည် (၅ x ၀) ဓမ္မာအတွင်းရန် သက်ရောက်နေသောကြောင့် အတွင်းအုပ်စု ပြိုကွဲခြင်း၊ အိမ်ထောင်ဘက်နှင့်မသင့်မြတ်ခြင်း၊ အတူနေအုပ်စုများ စိတ်ဝမ်းကွဲခြင်း အစရှိသည်တို့ကို ကြုံတွေ့နိုင် ပါသည်။ (မူလမဟာဘုတ်) ဇာတာရှင်၏ မဟာဘုတ်ဇာတာမှ (၁)ကြွင်း၊ ကြာသပတေးဖြစ်သောကြောင့် လူအကျိုး မပေးခြင်း၊ တပည့်သားသမီးအကျိုးမပေးခြင်း၊ အိမ်ထောင်ဘက်အကျိုမပေးခြင်း၊ အိမ်ထောင်ရေးကံမကောင်းခြင်း၊ အစရှိသည်တို့ကို ကြုံတွေ့နိုင်ပါသည်။
          (ဂြိုဟ်အိပ်ကြီး) ဇာတာရှင်သည် သောကြာဂြိုဟ်တွင် ဂြိုဟ်အိပ်သောကြောင့် မွေးနံကြာသပတေးနှင့် သောမ (အညမည)ဂြိုဟ်ခြင်း သဘောတူပြီး မူလဇာတာခွင်တွင် သောကြာဂြိုဟ်ရာဇအိမ်တွင် ရပ်တည်မှုကြောင့် ဇာတာရှင်၏ ကံ(အကြောင်း)တရားမှာ မညံ့ကြောင်းသိရပါသည်။
          ကျွန်ုပ်၏ဆုံးဖြတ်ချက်
          ကျွန်ုပ်သည် ၄င်းမမျိုးမျိုးဆိုသော မိန်းကလေးအား - - -
          '' ကဲ - - -သမီး၊ မင်းရဲ့အိမ်ထောင်ဘက်က ခရီးတစ်ခုကို ထွက်သွားလိမ့်မယ်၊အဲဒီခရီးမှာ မိန်းကလေး အဖော်ပါတယ်။ အဲဒီကိစ္စကို မိန်းကလေးစိတ်ထဲမှာ ဘ၀င်မကျဖြစ်နေတယ် မဟုတ်လား''
          ''ရှင် - - -ဟုတ် - - - ဟုတ်ပါတယ်ဆရာ''
          ''အေး - - -ဒါဆိုရင် ဘာမှစိတ်မပူနဲ့ မင်းယောကျာ်းခရီးထွက်သွားတာ စီးပွာရေးကိစ္စနဲ့ပဲ ပတ်သက်တယ်။
အိမ်ထောင်ရေးကိစ္စဘာမှမပါဘူး။ မိန်းကလေးစိတ်ထဲမှာ သံသယရှိရင် အားလုံး ဖျောက်ပစ်လိုက်တော့ - - -
          ကျွန်ုပ်ဟောကြားချက်များကြောင့် မိန်းကလေး၏ မျက်ဝန်းအစုံတွင် မျက်ရည်များဝဲလာကာ - - -
          '' ဆရာပြောတာတကယ်လား - - - ဆရာ''
          ''သြော် - - -သမီးကို ဆရာက မမှန်တာပြောပါ့မလား။ ဒီက ကိန်းတွေက ဒီလိုပဲအဖြေထွက်လို့ သမီးကို အဲဒီလိုဟောလိုက်တာ - - -''
          ''ဒါဆိုလည်း ၀မ်းသာလိုက်တာ ဆရာရယ်။ ကျွန်မအမျိုးသားက နယ်ဘက်တွေမှာ အလုပ်သွားလုပ်တာပါ။ အဲဒီမှာ သူနဲ့ခရီးသွားဖော်ထဲမှာ အမျိုးသမီးတစ်ယောက်ပါတယ်။ ကျွန်မလည်း အစကတော့ ဒီလောက် မဟုတ်ပါဘူး။ ဒါပေမဲ့နောက်ပိုင်းသူတို့နေပုံထိုင်ပုံက အရမ်းကို ရင်းနှီးလွန်းနေတော့ - - -''
          ''ဆရာတို့ပညာခွင်မှာ သမီးအမျိုးသား အိမ်ထောင်ရေးဖောက်ပြန်တယ်လို့ ပြမထားဘူး၊ ဒါပေမဲ့ သမီးရဲ့ ကံအပိုင်းအခြားမှာ ဒီပြဿနာကြောင့် သမီးတို့အိမ်ထောင်ရေးပြိုကွဲနိုင်တယ်။ သံသယကို ဖျောက်နိုင်ရင်တော့ ဒီပြဿနာမဖြစ်နိုင်ပါဘူး။
          နောက်ပြီး သမီးရဲ့ဇာတာအရ အိမ်ထောင်ဘက်ကို ကိုယ်ကအနစ်နာခံရင် အိမ်ထောင်ဘက်အကျိုးကို ပြန်ရလိမ့်မယ်။ သူ့အပေါ်မှာ သံသယအမြဲဝင်နေရင် တစ်နေ့နေ့သမီးပဲ ဒုက္ခရောက်မှာ -''
          မိန်းကလေးသည် ကျွန်ုပ်၏ စနစ်တကျရှင်းပြမှုကြောင့် -
          ''အခုလိုရှင်းပြတာ ကျေးဇူးတင်လိုက်တာဆရာရယ်၊သမီးရင်ထဲမှာ အလုံးကြီးတစ်ခုကျသွားသလိုပဲ''
          ''ရပါတယ် သမီးရယ်၊ ဆရာဖြေရှင်းပေးလိုက်လို့ အိမ်ထောင်ရေးကိစ္စတော်တော်များများ အဆင်ပြေသွား ကြပါတယ်။ ဆရာတို့ပညာမှာ ချစ်သူတိုင်းညားဖို့ထက် ညားသူတိုင်းချစ်ဖို့ကို ပိုပြီးဂရုစိုက်ဆောင်ရွက်ပေးပါတယ်။ ချစ်သူတိုင်းညားဖို့ဆိုတာ ကံပါမှဖြစ်တာ။ ညားသူတွေကြတော့ အိမ်ထောင်ရေးတည်တဲ့ခိုင်မြဲဖို့။ တစ်သက်လုံး ချစ်သွားဖို့ကတော့ ကံနဲ့မဆိုင်ဘူး ဥာဏ်ရှိဖို့လိုတယ်။ ဆရာတို့ပညာမှာ ကိုယ်ယူထားတဲ့ အိမ်ထောင်ဘက်ရဲ့ စိတ်နေစိတ်ထား သူ့ဥာဉ်တွေကို ရှင်းပြပေးတယ်။ သူ့ရဲ့စိတ်ပိုင်းဆိုင်ရာ၊ ရုပ်ပိုင်းဆိုင်ရာ အားနည်းချက်၊ အားသာချက်တွေကို ဆရာတို့အနေနဲ့ ဗေဒင်လာတွက်တဲ့သူကို ရှင်းပြတယ်။ ပြီးမှ ဘယ်လိုနေ၊ ဘယ်လိုထိုင်၊ သူ့အကြိုက်ကို ကိုယ်ကသိပြီဆိုတော့ သူနဲ့ဘယ်လိုနေရမယ်ဆိုတာ ကိုယ်ကနားလည်ပြီပေါ့။ ဆရာတို့ကတော့ ဇာတာတစ်ခုရဲ့ အလင်းပိုင်း၊ အမှောင်ပိုင်းနှစ်မျိုးလုံးကို သိတယ်။
          ကျွန်ုပ်သည် ဗေဒင်ဟောကြားမှုကို ခေတ္တမျှရပ်၍ မမျိုးမျိုးဆိုသော မိန်းကလေး၏မျက်နှာကိုကြည့်လိုက်ရာ မိန်းကလေး၏ ပန်းနုရောင်းနှုတ်ခမ်းလေးအစုံမှာ ပြုံးရောင်သန်းလာပြီး ကျွန်ုပ်အား  -
          'ဆရာက ဇာတာရှင်တွေရဲ့ဥာဉ်ကို တော်တော်ကိုသိတာပဲနော်'
          '' ဒီလိုရှိတယ်သမီး၊ လောကကြီးမှာ ပူခြင်း၊ အေးခြင်း၊ ဆန့်ကျင်ဘက်တွေရှိတယ်။ အပူကို အပူနဲ့ထိန်းပြီး အအေးကို အအေးနဲ့ပြန်ထိန်းရတယ်။ ကိုယ့်ရဲ့အိမ်ထောင်ဘက်ဟာ ဘယ်လိုအုပ်စုထဲကလဲဆိုတာပဲ ကိုယ်သိဖို့ လိုတယ်''
          ကျွန်ုပ်၏လုပ်ငန်းဆိုင်ရာ ကိစ္စရပ်များသည် တစ်နေ့ထက်တစ်နေ့များသည်ထက်များ၍ တိုးသထက်တိုးတိုး လာသဖြင့် မျိုးမျိုးဆိုသော မိန်းကလေးကိစ္စကို မေ့သလောက်ရှိနေချိန်တွင်-
          ''ဆရာရေ''
          ဟု အိမ်ရှေ့မှခေါ်လိုက်သော မိန်းကလေး၏ခေါ်သံကြောင့် ကျွန်ုပ်သည် ရေးလက်စစာမူအားခဏထား၍ အိမ်ရှေ့သို့ထွက်လာခဲ့မိပါသည်။
          ''သြော် - - -မမျိုးမျိုးတို့ပါလား''
          မမျိုးမျိုးသည် ကျွန်ုပ်၏ရှေ့တွင်ခင်းထားသော ဖျာပေါ်၌ အသာအသာကြုံကြုံလေး ၀င်ထိုင်လိုက်ရင်း
          ''ကျွန်မရဲ့ အိမ်ထောင်ရေးပြဿနာကတော့ ပြေလည်သွားပါပြီ ဆရာရေ။ ဒါပေမယ့် ဒီက ကျွန်မရဲ့ သူငယ်ချင်းကသူ့အိမ်ထောင်ရေးကိစ္စလေးကို ဆရာကိုတိုင်ပင်ချင်လို့ပါတဲ့''ဟု ဆိုကာ သူ၏ဘေးမှအသက် (၃၅)နှစ်ခန့် မိန်းမပျိုတစ်ဦးအား လက်ညိုးလေးထိုးကာဖြင့် ပြုံးစိစိဖြင့် ကျွန်ုပ်အားပြလေသည်။
          သြော် - - ကျွန်ုပ်ရဲကအဖြစ်က ညားသူတိုင်ကိုချစ်အောင်လပ်ပေးရတဲ့ နှလုံးရောဂါအထူးကုဆိုတာ သူတို့ ပြောတာမှန်နေပါလား။


         
         

No comments:

Post a Comment