Thursday, March 8, 2018

မိမိ မော်မော် ဇတ်လမ်း

မိမိ မော်မော် ဇာတ်လမ်း

        ''မိ''လို့ခေါ်တဲ့ မိန်းကလေးတစ်ယောက်အကြောင်၊ သူ့ကိုယ်သူ'' မိကလေ''ဟု ချစ်စရာ နှုတ်ခမ်းပါးလေးမှ ပြောတတ်သူ။
        ပြောရမယ်ဆိုရင်တော့ ကျွန်ုပ်ဗေဒင်ဆရာဖြစ်ခါစကပေ့ါ။ သူ့နာမည်ရင်းက မိမိနိုင်တဲ့။
        ဆံပင်က ခပ်တိုတို၊ ကိုယ်လုံးကိုယ်ပေါက်က မပိန်မ၀ အနေတော်လေး။ အထူးခြားဆုံးကတော့ သူ့ရဲ့လက်ကလေးတွေပဲ။ လက်ကလေးတွေက သွယ်သွယ်ကလေးနဲ့ ပြည့်ပြည့်လေး။ ၀တ်လိုက်ရင် လည်း တီရှပ်ကို ခပ်ကျပ်က်ျ။ ပြောလိုက်ရင်လည်း စကားက ခပ်ပြတ်ပြတ်။
        ခုလည်းကြည့် --
        ဆရာတဲ့ -- မိရဲ့ ကံဇာတာကို သေသေချာချာထပ်စစ်ဆေးပေးပါဦးတဲ့။
        သူ့ရဲ့ကံဇာတာကို အရင်တစ်ခေါက်က စစ်ဖူးတယ်။ ကောင်မလေးက ပထမအိမ်ထောင်ရှိခဲ့ဖူး တယ်။ နိုင်ငံခြားမှာ အလုပ်လုပ်ရင်းနဲ့ ဆုံးသွားတာ။ အခုယူထားတာက ကားပွဲစား။ သူ့ထက် အသက် (၁၀)နှစ်လောက်ကြီးတယ်။
        သူ့ရဲ့မဟာဘုတ်ဇာတာက (၅)ကြွင်း၊ သောကြာ (၁၉၅၉)ခုနှစ်၊ ဇွန်လဖွား။ စစ်ဆေးတဲ့နေ့က (၁၂.၉.၂၀၀၂)ခုနှစ်၊ ကြာသပတေးနေ့။ မနက် (၁၀း၄၅)နာရီ။ ၀တ်လာတာက အနီရောင်စပို့ရှပ်။
                  ၂                 ၂
                  ၆                 ၀
                  ၃                 ၄
                  ၅                 ၆ (မွေးနံ)
                  ၁                 ၂
                  ၄                 ၅
                  ၀                 ၂ အနီရောင်
                  (နေ့)            (အခါ)
ကျွန်ုပ်၏ ဆုံးဖြတ်ချက်
        မူလ (၅)ကြွင်းဇာတက အိမ်ထောင်အဆိုး။
        သောကြာမွေးနံတိုင်က အိမ်ထောင်အပျက်။
        ယခုရောက်ဆဲအသက် (၄၄)နှစ်က အယသောလောကဓံ အိမ်ထောင်လည်းတည်ငြိမ်မှုမရှိ
        သူဗေဒင်လာတွက်တဲ့ ကြာသပတေးနေ့က အိမ်ထောင်ရေး (နာ)ဌာနမှာရှိပြီး အချိန်တိုင် သောကြာတိုင်မှာ အိမ်ထောင်ရေးဌာနက (ပျက်)နေရာမှာ၊ အကြောင်းတရားဖြစ်တဲ့ နေ့တိုင်က လူလိမ်၊ အကျင့်ပျက်ဖြစ်ပြီး အကျိုးတရားဖြစ်တဲ့ နေ့တိုင်က အရူး၊ အပျော်တိုင်။ အဲဒီနှစ်ခုကိုပေါင်းပြီး အဖြေ ထုတ်လိုက်ရင်အကျင့်ပျက်သူ တစ်ယောက်ကြောင့် ရူးမတတ်ခံစားရမည့်သဘောဖြစ်ပါသည်။
        ကျွန်ုပ်က
        ''ကဲ ---- မိန်းကလေး စိတ်ခိုင်ခိုင်ထား။ မင်းရဲ့ခင်ပွန်း အိမ်ထောင်ရေး ဖောက်ပြန်မှု ကြောင့် မင်းတို့လင်မယား အိမ်ထောင်ကွဲမယ်''
        ထိုအခါ မိမိနိုင်မှ ''ဆရာပြောသလိုဆိုရင် မိရဲ့အိမ်ထောင်ရေးက ဒီနှစ်ထဲမှာ ကွဲနိုင်တယ်ပေါ့''
        သြော် --- ခက်ပါဘိ မိန်းကလေးရယ် --- ကျားကိုက်ပါတယ်ဆိုနေ အပေါက်ကလေးနဲ့လား လို့ လာမေးနေပြန်ပါပြီ။
        ''ဟုတ်ပါတယ်မိမိနိုင် --- ဒီသဘောပါပဲ''
        ''ဒုက္ခပါပဲဆရာရယ် --- ပထမအိမ်ထောင်နဲ့လဲ ပျက်ခဲ့ပြီးပြီ။ ခုတစ်ခါ ဒုတိယအိမ်ထောင်နဲ့ပါ ထပ်ကွဲရဦးမယ်ဆိုတော့---''
        ''အင်း --- ကံစီမံရာပေါ့သမီးရယ် ။ ဘယ်သူကအဆိုးတွေကို ကြုံချင်မှာလဲ။ လောကကြီးမှာ လူတိုင်းဟာ ကောင်းတာတွေပဲ ကြုံချင်ကြတာ။ အဲဒါ လောကဓမ္မတာပဲ''
        မိလို့ခေါ်တဲ့ မိန်းကလေးနဲ့ မတွေ့တာတောင်(၃)လ လောက်ရှိသွားပါပြီ။ ကျွန်ုပ်နောက်ဆုံး ကြားလိုက်ရတဲ့ သတင်းကတော့ မိရဲ့ခင်ပွန်းတစ်ယောက် သူ့အိမ်ကအိမ်ဖော်ကောင်မလေးနှင့် ထွက်ပြေးသွားကြောင်းပင်ဖြစ်ပါသည်။
        ''သြော် --- လောကကြီးဟာ ကိုယ်ကြိုက်တာတွေထက် ကိုယ်ကြုံတာတွေကို ကြိုက်လိုက်ရ ပါလား''ဟု ကျွန်ုပ်တွေးလိုက်မိပါတော့သည်။
(ကိုယ်တွေ့)
        ''မော်''တဲ့ --- ။
        အမည်အရင်းက မော်မော်သန်းပါ။
        သူက သူဌေးသမီး၊ မိဘအမွေတွေကို သိန်းထောင်ချီ၍ ရထားသူ။ မိဘတွေက တရုတ်သွေးပါတော့ အသားဖြူဖြူလေးပေါ့။ ဆံပင်အရှည်ထားတတ်တဲ့ သူစတိုင်က သာမန်ပုရိသတို့ အရူးအမူးဖြစ်သွားလောက်ပါတယ်။
        သူနဲ့ကျွန်ုပ် စတွေ့ပုံကတော- --
        တစ်နေ့ ---- ကျွန်ုပ်တစ်ယောက်တည်း ဟောခန်းထဲမှာ စာဖတ်နေတုန်း ပါတိတ်အကောင်းစား အ၀ါရောင်ဝမ်းဆက်နဲ့ အမျိုးသမီးတစ်ဦး ကျွန်ုပ်ရဲ့ဟောခန်းထဲကို ၀င်လာတယ်။
        ''ဆရာမြတ်ထွဋ်ခေါင်ဆိုတာ---''
        ''သြော် --- ဟုတ်ပါတယ်၊ ကျုပ်ပါပဲ''
        ''ကျွန်မသူငယ်ချင်းတစ်ယောက်က ညွှန်လိုက်လို့ပါ။ ဆရာက အိမ်ထောင်ရေးဟောတာ အရမ်း မှန်တာပဲဆိုလို့''ဟု ပြောပြောဆိုဆို ရဲရဲတင်းတင်းပင် ကျွန်ုပ်၏စားပွဲရှေ့တွင် ၀င်ထိုင်လိုက်ပါသည်။
        ကျွန်ုပ်က ''မင်းရဲ့ အိမ်ထောင်ရေးကိုသိချင်တာလား''
        ''ဟုတ်--- သမီးနာမည်က မော်မော်သန်းပါ။ သမီးက မော်လမြိုင်ဇာတိပါ။ ရန်ကုန်ကို အလည် လာရင်းနဲ့ သမီးသူငယ်ချင်းက ဆရာ့အကြောင်းကို ခဏခဏပြောတာနဲ့ သမီးလဲ စိတ်ဝင်စားပြီး အိမ်ထောင်ရေးကိစ္စလေးတွေ တိုင်ပင်ချင်လို့''
ကျွန်ုပ်ကခေါင်းကို တဆတ်ဆတ်ညိတ်လိုက်ပြီး --
        ''အင်း----ရပါတယ်။ မိန်းကလေးရဲ့ မွေးသက္ကရာဇ်ကိုသာ အတိအကျပြောပါ။ ဆရာ သိသလောက် ဟောပါ့မယ်''
        မော်မော်သန်းပြောပြတာ ခုနှစ်သက္ကရာဇ်အရ (၁၉.၁.၇၅) ကြာသပတေးသမီး။
        စစ်ဆေးသောနေ့ရက် (၂.၅.၀၃) ၊ သောကြာနေ့။ မနက် (၉း၁၀)နာရီ။
        ထိုနေ့က ၀တ်ဆင်လာသောအင်္ကျီအရောင် = ပါတိတ်အ၀ါ ၀မ်းဆက်။
                           ၃                           ၆                
                           ၀                           ၃
                           ၄                           ၀
                          -၆-                          -၂-  (မွေးနံ)
                           ၂                           ၅ *
                           ၅ *                        ၁
                           ၁                           ၄ (အရောင်)
                          (နေ့)                     (အခါ)
-      နေ့အဋ္ဌလက်တွင် တနင်္လာတိုင်သည် (လဘော) လောကဓံတွင် ရပ်တည်နေပါသည်။
-      နေ့တွင်မွေးနံသည် (ခိုက်) ဌာနတွင် ရပ်တည်နေပြီးအချိန်တိုင်တွင် မွေးနံသည် (နာ)နေရာတွင် ရပ်တည်နေပါသည်။
-      ၀တ်ဆင်လာသောအရောင် (အ၀ါ) သည် နေ့တိုင်တွင် အိမ်ထောင်ရေးဌာနတွင် ရပ်တည်နေပြီး
-      အချိန်တိုင်တွင် ၄င်းအ၀ါရောင်သည် (တြိရန်း) ဌာနပျက်စီးခြင်းတွင် ရပ်တည်နေပါသည်။
-      မွေးလသည် ယဿံသာလောကဓံတွင် ရပ်တည်နေပြီးရောက်ဆဲအသက် (၂၈)နှစ်သည်လည်း ပဿံသာ လောကဓံတွင် ထပ်မံ၍ရပ်တည်နေပါသည်။
-      ဂြိုလ်အိပ်ကြီးသည် ယသောလောကဓံတွင် ရပ်တည်နေပါသည်။
ကျွန်ုပ်၏ ဆုံးဖြတ်ချက်
          ''ကဲ---မိန်းကလေး-- ဆရာပြောတ သေချာနားထောင်။ မင်း ရန်ကုန်ကိုလာတာ အလည် လာတာမဟုတ်ဘူး။ မင်းနဲ့အတူ ကောင်လေးတစ်ယောက်ပါ ပါလာတယ်။ မင်းတို့နှစ်ယောက်က ခိုးပြေး လာတာ။ မင်းတို့နှစ်ယောက်က ညားပြီးရင် ပြန်ကွဲမယ်။ အိမ်ထောင်မတည်မြဲနိုင်ဘူး''
          ''ရှင်''
          ''မရှင်နဲ့ မိန်းကလေး''
          ''မင်းနဲ့ အခုလိုက်လာတဲ့ ကောင်လေးက လူပျိုမဟုတ်ဘူး''
          ကျွန်ုပ်၏ဒုတိယဟောချက်အပြီးတွင် မော်မော်သန်းဆိုသော မိန်းကလေး၏မျက်နှာမှာ တစ်မု ဟုတ်ချင်း ညှိုးလျော်သွားလေသည်။ ပြီးလျှင် ကျွန်ုပ်၏ဟောခန်း ပြတင်းပေါက်မှနေ၍ လမ်းမဘက်ရှိ မိန်းကလေးနှစ်ယောက် စက်ဘီးစီးရင်း တစ်ယောက်နှင့်တစ်ယောက် နောက်ပြောင်နေသည်ကို ဆက်လက်၍ငေးမောနေပြန်ပါသည်။
          ပြီးတော့မှ ကျွန်ုပ်ဘက်လှည့်၍ -
          ''ဟုတ်ပါတယ်ဆရာ ---- ကျွန်မသိချင်တာက အဲဒီကိစ္စပါပဲ ကျွန်မနဲ့ ကိုကျော်ကျော်က မော်လမြိုင်ကနေ ရန်ကုန်ကို ထွက်ပြေးလာကြတာပါ။ သူက ပထမအိမ်ထောင်ရှိဖူးတယ်၊ ကွဲသွားတာ။ ကျွန်မက မိဘတွေမရှိတော့ဘူး အဒေါ်တစ်ယောက်နဲ့နေတာ။ အဒေါ်ကအပျိုကြီးဆိုတော့ အရမ်း ဂဂျီဂဂျောင်များတာ။ ကျွန်မ မိဘတွေကျန်ခဲ့တဲ့ အမွေတွေကိုသူပဲ ဆက်ပြီးထိန်းသိမ်းစောင့်ရှောက်ထား တာ။ ကိုကျော်ကျော်နဲ့ကျွန်မကို သူကလုံးဝသဘောမတူဘူး။ ကိုကျော်ကျော်က အိမ်ထောင်လည်းရှိခဲ့ ဖူးတယ်၊ နောက်ပြီးငွေကြေးကလည်း ကျွန်မတို့လောက်မပြည့်စုံတော့''
          ကျွန်ုပ်မှ ဆက်လက်၍ ''အဲဒါနဲ့ မင်းနဲ့မင်းကောင်လေးက ရန်ကုန်ကို ထွက်ပြေးလာကြတယ် ဆိုပါတော့--''
          ကျွန်ုပ်ကထိုသို့ စကားကိုကြားဖြတ်၍ ပြောလိုက်သောကြောင့် ကောင်မလေးသည် ကျွန်ုပ်အား  ဘာမှပြန်မပြောတော့ဘဲရှက်ပြုံးကလေး နှင့် ခေါင်းညိတ်ပြလေသည်။
          လောကဓံသည် လှည့်စားလွန်းသည်။
          အင်္ဂ၀ိဇ္ဇာတိုင်ပညာခန်းသည်လည်း တိကျလွန်းသည်။
          ကျွန်ုပ် သူတို့နှစ်ဦးကို ဗေဒင်တွက်ခဲ့စဉ်က အင်္ဂ၀ိဇ္ဇာတိုင်ပညာခန်းတွင် စနြေ္ဒာတိုင် (ကွဲ၊ ခွဲ၊ ခရီး) ဥပဒေသအရ ချစ်ကြိုက်ညားတွဲဇာတ်လမ်းကို ကျွန်ုပ်ပြောပြခဲ့ပါသည်။
          ယခု ၄င်းတို့နှစ်ဦး၏ဇာတ်လမ်းကို နောက်ဆုံးကြားလိုက်ရတဲ့သတင်း -
          ကောင်လေးက အမွေမက်၍ ကောင်မလေးကိုကြိုက်သည်။ ကောင်မလေးက အဒေါ်က သူ သဘောမတူတဲ့ လူနဲ့ယူလို့ ကောင်မလေးကို အမွေပြတ်ကြေညာသည်။
          ကောင်လေူးအတွက် မျှော်လင့်ချက်မရှိတော့၍ကောင်မလေးကိုထား၍ ပြေးသည်။ ကောင်မလေး လည်း မော်လမြိုင်က သူ့အဒေါ်ဆီ ပြန်ရောက်သွားသည်။ မိမိ၊ မော်မော်ဇာတ်လမ်းကို ကျွန်ုပ်ဗေဒင် တွက်ပြီး ရင်ထဲတွင်ဝေဒနာတစ်ခုကျန်ရစ်ခဲ့သည်။ လောကဓံတွင် ယဿံသာ၊  လဘောနယ်မြေတွင် အိမ်ထောင်ပြုရန် ခွင့်ပြုသော်လည်း ဘုမ္မိကြီး၊ ဘုမ္မိလေးရန်၊ မရဏများနှင့် ကြုံကြိုက်နေပါက အထူး သတိပြုရန်လိုပါသည်။
          မော်မော်သန်းဆိုသောမိန်းကလေး ဗေဒင်တွက်ချိန်တွင် အိမ်ထောင်ခိုက်ပြီး ဘုမ္မိသက္ခတ်ရောက် ရှိ နေသောကြောင့် ၄င်းအိမ်ထောင်ရေးသည် အတုအယောင် အိမ်ထောင်ရေးနှင့် ကြုံကြိုက်ခဲ့ပါသည်။
          တစ်ခါတုန်းက နိန္ဒာတွင် အိမ်ထောင်ပြုလိုသော ကျွန်ုပ်၏တပည့်တစ်ဦးသည် ကျွန်ုပ်၏ အကြံ ပေးမှုကြောင့် ၄င်း၏အိမ်ထောင်ရေးသည် မည်သို့မျှအန္တရာယ်မကျရောက်ခဲ့ပါ။
        ကံဇာတာညံ့နေချိန်တွင် အိမ်ထောင်ပြုလိုပါက မိမိသဘောဆန္ဒအတိုင်း မင်္ဂလာပွဲကို မပြုလုပ် ရပါ။ အိမ်ထောင်ပြုပြီး ကံဇာတာအကောင်းသို့ မရောက်မချင်း ကလေးမယူရပါ။ လူကြီးမိဘတို့၏ ဆန္ဒ အတိုင်းပြုလုပ်ပါဟု ကျွန်ုပ်၏ဗေဒင်ဆရာအတွေ့အကြုံအရ အကြံပေးတိုက်တွန်းလိုက်ရပါတော့သည်။



No comments:

Post a Comment