Thursday, March 8, 2018

အင်္ဂ၀ိဇ္ဖာပညာ


မရဏကန်စွန်းရှင် နှင့် မြိုင်ဟေ၀န်မှ
လူစိမ်းတစ်ယောက်

        တစ်နေ့သ၌ ကျွန်ုပ်သည် တောင်ဥက္ကလာပမြို့နယ်အတွင်းရှိ ဟေမ၀န်ဈေးအတွင်း အလွန် နာမည်ကြီး၍ သန့်ရှင်းသပ်ရပ်သော ဗိုလ်ထွဋ် (လက်ဖက်ရည်ဆိုင်)၌ လက်ဖက်ရည်ကျစိမ့် တစ်ခွက်ကို မှာသောက်ရင်း ဟိုဟိုဒီဒီ ရောက်တတ်ရာရာ များကိုတွေးတော၍ ဆိုင်အပြင်ဘက်မှ သွားလာလှုပ်ရှား နေသူများကို ငေးမောကြည့်မိနေစဉ် အရပ်မြင့်မြင့်၊ ရုပ်ချောချော၊ မျက်ခုံးကောင်းကောင်းနှင့် ရှပ်အကျီင်္လက်တိုကို သပ်ရပ်စွာဝတ်ဆင်ထားသည့် လူငယ်တစ်ဦးသည် ကျွန်ုပ်ထိုင်နေသည့် စားပွဲခုံရှိရာ သို့ တန်းတန်းမတ်မတ်ဝင်လာရင်း - - -
          ''ဆရာကျွန်တော်ကို ဒီခုံမှာ ထိုင်ခွင့်ပြုပါဆရာ'' ကျွန်ုပ်သည် ထိုသူငယ်အား တစ်ခါဖူးမျှ မမြင်ဖူးပါ။ သူကတော့ ကျွန်ုပ်ကို သိနေပုံရသည်။
          ကျွန်ုပ်မှထိုသူငယ်အား ''မောင်ရင့်ကို ဦးမသိဘူး မင်းကဘယ်သူတုန်း'' ကျွန်တော့်နာမည်က လင်းလင်းပါ ဆရာ၊ ဂမ္ဘီရဆန်းကြယ်မဂ္ဂဇင်းမှာ ဆရာ့ဆောင်းပါးတွေကို မလွတ်တမ်းဖတ်နေတဲ့ ဆရာရဲ့ စာဖတ်ပရိတ်သတ် တစ်ယောက်ပါ။ ကျွန်တော့်အလုပ်က ပန်းထိမ်လုပ်ငန်းပါဆရာ၊ ဒီဈေးထဲက ၀င်းပပရွှေဆိုင်မှာ အလုပ်လုပ်ပါတယ်။
          ''သြော်၊ ၀င်းပပရွှေဆိုင်ကကိုး -- သိတယ်၊ သိတယ်၊ ဒီဆိုင်က ဟေမ၀န်ဈေးကြီးထဲမှာ နာမည်ကြီး ရွှေဆိုင်ပဲ''
          ကျွန်ုပ်မှ ထိုသို့ ထောက်ခံပေးလိုက်သဖြင့် ထိုသူငယ်မှာ အနည်းငယ်ရဲတင်းသွားပြီး ဆက်လက်၍
          ''ကျွန်တော်အမျိုးသမီးက ဒီဈေးထဲမှာ စာအုပ်အငှားဆိုင် ဖွင့်ထားတယ်ဆရာရဲ့ ''ခိုင်သဇင်'' ဆိုတဲ့ နာမည်နဲ့လေ။ ကျွန်တော်က အလုပ်အားရင်း ဆရာရေးတဲ့ဆောင်းပါးတွေပဲ အမြဲရှာဖတ်နေတာ''
          ထိုအချိန်တွင် စားပွဲထိုးလေးမှ မောင်လင်းလင်းရှေ့သို့ လက်ဖက်ရည်တစ်ခွက် လာချပေးသဖြင့်  ကျွန်ုပ်တို့နှစ်ဦး စကားစပြတ်သွားသည်။
          ထိုလူငယ်မှ''ဟေ့ ညီလေး၊ဆရာ့အတွက်ပါ နောက်တစ်ခွက် ပေးကွာ''
          ''တော်ပါပီ မောင်လင်းလင်း၊ ဆရာ အခုပဲ သောက်ပြီးပါပြီ၊ ဒါနဲ့ညီလေးက ကိစ္စအထူးရှိလို့လား''
          ''ဟုတ်ကဲ့၊ ထွေထွေထူးထူးတော့ မရှိပါဘူး ဆရာ၊ ဒါပေမဲ့ ရင်ထဲမှာ မရှင်းတာလေး တစ်ခုရှိလို့''
          ကျွန်ုပ်မှ ''ဗေဒင်ဟောမယ်ဆိုရင် ဒီလိုနေရာမျိုးမှာ ဆရာမဟောပါဘူး၊ သဘာဝလည်း မကျလို့ပါ''
          ''ဟုတ်ကဲ့ပါ ဆရာ၊ ကျွန်တော်က ဗေဒင်မေးမလို့ မဟုတ်ပါဘူး၊ သူများတွေ လုပ်ကိုင်နေတဲ့ ဗေဒင်နဲ့ ပတ်သက်တဲ့ ယတြာတွေကို သိပ်မရှင်းလို့ပါ''
          ''ဘာကို မရှင်းတာလည်း မောင်လင်းလင်းရဲက''
          ''သြော်၊ ဒီလိုပါ မနေ့က ကျွန်တော် သူငယ်ချင်း တနင်္ဂနွေသား တစ်ဦးက သူ့ရဲ့အညွန့်ဖြစ်တဲ့ တနင်္လာနံ (ကန်စွန်း) ညွန့်နဲ့ သူ့ရဲ့အမြစ်ဂြိုလ်ဖြစ်တဲ့ စနေနံ (နှင်းဆီ) ပန်းကို လှူတာတွေ့လိုက်ရတယ်။ ကျွန်တော့်စိတ်ထဲမှာ ကန်စွန်းညွန့်တွေ ဘုရားလှူနေတာတွေ့ရတော့ စိတ်ထဲမှာတစ်မျိုးပဲ။ သူ့ကို  မေးကြည့်တော့လည်း ကန်စွန်းလှူတာ ''ကံစွမ်း'' တယ်လို့ ပြောတာပဲ။
                                             
                   ၂ (အညွန့်)               ၂ (ကန်စွန်း)
                                             
                  -၁-                          -၁-
                                             
                   ၀ (အမြစ်)                ၀ (နှင်းဆီ)
                                             
          (အမြစ်အညွန့်ပုံစံပြ)
          ကျွန်ုပ်မှ၊ အင်း - - - ဒီလိုကိစ္စတွေက ဒီခေတ်မှာ တော်တော်ခေတ်စားနေကြတယ်။ ဒါကလည်း သူတို့တွေ သဘောမပေါက် ကြသေးလို့ပါ။
          ''ဒီလိုကွ မောင်လင်းလင်းရဲ့၊ ဒို့အားလုံးက ဗုဒ္ဓဘာသာ လူမျိုးတွေဆိုတော့ ဘုရားရှင်ကိုလှူတာ စေတနာ (၃)တန် ပြဌာန်းပြီး လှူကြတာ၊ ကြည်ညိုစိတ်၊ သဒ္ဓါစိတ်အပြည့်နဲ့ စေတနာကို ရှေ့တန်တင်ပြီး လှူကြတာ၊ ဘာကိုပဲလှူလှူ လှူလို့ရပါတယ်။ ဟိုးတုန်းက ဗုဒ္ဓ၀င်ဇာတ်တော်တွေမှာလည်း ဘုရားရှင်ကို မြက်လှူ တာတို့၊ သဲလှူတာတို့ ရှိခဲ့ဖူးတာဘဲ၊ ဒါပေမဲ့ ဒီဘက်ခေတ်မှာတော့ ဘုရားရှင်ကို စေတနာထားပြီး လှူတာထက် မိမိအကျိုးကို မျှော်ကိုးပြီး လှူတာက ပိုများနေတယ်။
          ဥပမာကွာ မင်းအခုပြောတဲ့ ကန်စွန်းညွန့်ကို လှူတယ်ကွာ၊ ဘာကြောင့်လဲ ကံစွမ်းအောင်လို့၊ ဟုတ်ပြီ ဒါဆိုရင် ဆရာတစ်ခုပြောမယ်။ မောင်လင်းလင်း သဘာဝကျကျစဉ်းစားနော်။
          ကန်စွန်းညွန့်ဆိုတာ အများကဟင်းအဖြစ်နဲ့ ကြော်ချက်စားတာလား၊ ပန်းအဖြစ်နဲ့ ဘုရားကို လှူတာကို တွေ့ဖူးလား''
          ''ဟင်းအဖြစ် ကြော်၊ ချက်စားတာပါ ဆရာ''
          ''အေးဟုတ်တယ်၊ ဒါဆိုရင် အဲဒီတနင်္လာနံ ကန်စွန်းနေရာမှာ ကံ့ကော်ဆိုတာက အများက ဘုရား လှူတဲ့ ပန်းအဖြစ်နဲ့ ပညတ်ချက်နဲ့ လှူနေတာ သဘာဝကောကျမသွားဘူးလား''
          ''ဟုတ်ကဲ့ပါ ဆရာ၊ ကျွန်တော်သဘောပေါက်ပါပြီ။ ကံ့ကော်ဆိုတာလည်း တနင်္လာနံ ပညတ်ပါပဲ''
          ''အေး၊ သူတို့အယူအတိုင်း ပြောရရင်တော့ ကံ့ကော်ဟာ ကံကော်တာပဲ မဟုတ်ဘူးလား''
                                                       
                             ၂ (ကန်စွန်း)             ၂ (ကံ့ကော်)
                                                       
                           -၁-                        -၁-
                                                       
                                                       
                                                       
                   (သူရဇ္ဇတိုင်)              (သူရဇ္ဇတိုင်)
          ''ကဲ၊ ဒါဆိုရင် နောက်တစ်မျိုး ထပ်ကြည့်လိုက်ရအောင်၊ မူလမဟာဘုတ်မှာ (၆)ကြွင်းရင် မရဏာဂြိုလ် ဟာ တနင်္လာ ဖြစ်နေတယ်။ အဲဒီတော့ မရဏဂြိုလ်ကို စိတ်တစ်ခုအနေနဲ့ မိမိအကျိုးကို မျှော်ကိုးပြီး ဘုရားရှင်ကိုလှူရင် အကျိုးရှိပါဦးမလား။    
          ကျွန်ုပ်သည် မဟာဘုတ်ပညာခန်းနှင့် အင်္ဂ၀ိဇ္ဇာ ပညာခန်း နှစ်ခုအား ယှဉ်၍ပြလိုက်ရာ မောင်လင်းလင်းဆိုသော လူငယ်ကလေး၏ မျက်နှာမှာ ဖားကန့်တွင်ကျောက်အောင်သွားသော ကျောက်တူးသမား မျက်နှာကဲ့သို့ လင်းလက် တောက်ပသွားကာ- - -
          ''ဟာ၊ ဟုတ်လိုက်လေဆရာရယ်၊ မှန်လိုက်တာ၊ အဲဒါကို ကျွန်တော်မစဉ်းစားမိဘူး''
          ''အေး၊ အဲဒါဆိုရင် ဆရာနောက်တစ်ခု ထပ်ရှင်ပြဦးမယ်''
          ''တောင်တွင်းကြီးဆရာတော် ခင်ကြီးဖျော်ရဲ့ ကျမ်းရင်းလင်္ကာထဲမှာ ပြဋ္ဌာန်းထားတဲ့ ''အထက်မှာ ဆောင်ပန်း၊ အောက် မှာ နင်းကြမ်း၊ တစ်ခန်း ယူမှီးကြ''ဆိုတဲ့ စာပိုဒ်အရ အထက်မှာရှိတဲ့ ဂြိုလ် (၃)လုံး ကို ဘုရားလှူမယ်၊ အဆောင် အဖြစ် ထားမယ်၊ အမည်ပေးမယ်၊ အဲဒီလိုကိစ္စတွေမှာ အောက်(၃)လုံးမှာ ရှိတဲ့ ဂြိုလ်တွေကို (နာမ်)ပိုင်း နင်းကြမ်းအဖြစ် သုံးရမယ်။
          တနင်္ဂနွေ သားတစ်ဦးဟာ မိမိရဲ့ နာမ်ပိုင်းဖြစ်တဲ့ (စနေ) ဂြိုလ် လောဘ၊ ဒေါသကို ပယ်သတ်ပြီး ရုပ်ပိုင်းဖြစ်တဲ့ (တနင်္လာဂြိုလ်) ကံ့ကော်ပန်းကို ဘုရားရှင်ကို လှူဒါန်းရမှာဖြစ်တယ်။ ရှင်းရဲ့လား မောင်လင်းလင်း''
          ''ဟုတ်ကဲ့ ရှင်းပါတယ်ဆရာ၊ အဲဒါကို အမြစ် အညွန့် မတွန့်စေရ ပညာခန်းလို့ ခေါ်တာပေါ့နော်''
          ''အေး၊ ဟုတ်တယ်၊အခြားနေ့တွေလည်း အဲဒီလိုပဲသုံးရမှာပဲ''
          ''ကျေးဇူးတင်လိုက်တာ ဆရာရယ်၊ ဒါဆိုရင် ကန်စွန်းရွက်ကို ကံစွမ်းတယ်ဆိုပြီး လိုက်လုပ်နေကြတဲ့ သူတွေ အတွက်တော့ ဒီစကားတွေက တော်တော်ကို တန်ဖိုးရှိမှာပဲ---''
          ''အဲဒီတော့ ဆရာရယ် ၊ ကျွန်တော်သိလို အများပြည်သူ တွေပါသိအောင် ဆောင်းပါးလေးရေးပြီး ပရိတ်သတ်ကို တင်ပြပေးပါလား''
          ''အေးပါကွာ၊ ဆရာလည်း ဒီအကြောင်း ''ဂမ္ဘီရဆန်းကြယ်'' မဂ္ဂဇင်းမှာရေးဖို့ ဆုံးဖြတ်ပြီးသားပါ''
          ''ကျေးဇူးတင်လိုက်တာ ဆရာရယ်''












No comments:

Post a Comment