Tuesday, March 27, 2018

ပြန်တွေးမိသောအတိတ်

ပြန်တွေးမိသောအတိတ်
ဟိုးတုန်းကပေါ့လေ
[ ]
[ ]ဆရာကြီး ဦးကြာမြင့်ကိုတနှစ်တစ်ကြိမ်ကန်တော့ရာမှ
ဆရာဦးလင်းအောင်က ဆရာကြီး၏ ကျမ်းမာရေးအနေ
အထားအရ တနှစ်ကိုနှစ်ကြိမ်ကန်တော့ရမည်ဟုသတ်
မှတ်ခဲ့ရာ ကျွန်တော်အပါအဝင်ဆရာဦးသန်းဝင်းတို့
သည် ဆရာကြီး၏ အသက် ၇၀ ပြည့်နှစ်မွေးနေ့တွင်
ကိုလင်း ( ဆရာလင်းလင်းခိုင်) ဆရာကိုအောင်တို့သည်
ဆရာကြီးအိမ်၏ မျက်စောင်းထိုးလက်ဖက်ရည်ဆိုင်တွင်
ဆုံကြလေသည်
ကိုလင်းမှ ကိုထွဋ်ရေ အဘကတော့ ၇၂ နှစ်မှာဘုရားထီးတင်ပြီးဆုံးမယ်လို့ပြောတယ်ဗျ ခင်ဗျားတို့လည်း
လိုတဲ့ပညာတွေအဘရှိတုန်းယူကြ
ကိုအောင်နှင့် ကိုသန်းဝင်းတို့လည်းမျက်နှာမကောင်းကြ
ပေ ဆရာကြီးသည် သူသေမည့်နှစ်ကို ၂ နှစ်ခန့်ကြိုတင်
ပြီးပြောခဲ့လေသည်
ဆရာကန်တော့ပွဲတွင် မိုးကောင်းဘုရားမှဆရာမင်းသီဟ ညောင်ဦးသန်းဝင်း ကိုမေတ္တာ ကျွန်တော်တို့အဖွဲ့က
တစ်ဝိုင်း ဆရာဦးသန်းဝင်းကအကြွေးအမွေး ကိုအောင်
တို့ဇော်မင်းဟန်တို့ကဧည့်ခံကြိုဆိုရေး တာဝန်ယူကြ
သည်
ထိုဆရာကန်တော့ပွဲရက်က ပန်ကာဖွင့်တာနောက်ကျလို့ဇော်မင်းဟန်တို့ဆရာကြီးအဆဲခံလိုက်ရသေးသည်
ထိုအချိန်က ဆရာဦးလင်းအောင်၏ အပျော်အပျက်စေ
မေးခွန်းတစ်ခုသည် ကျွန်တော်တို့အဖွဲ့၏မမေ့နိုင်စရာ
စကားတစ်ခုဖြစ်ခဲ့ရ၏
ဆရာဦးလင်းအောင်မှ ဆရာကြီးခင်ဗျား နိန္နာမှာကျွန်တော်၏မိတ်ဆွေတစ်ယောက်ကငွေလာချေးနေတယ်ချေးလိုက်ရမလားဟူ၍ ဆရာကြီးမှ အေး''လင်းအောင်ရေ
ချေးလိုက်ကွ ပြီးရင်မင်းဖင်ပါခံလိုက်ဟု ပြောပြီးပြုံးစိစိနှင့်
တဖက်သို့လှည့်သွားသောပုံလေးမှာလွန်စွာချစ်စရာကောင်းပါသည် အားလုံးကလည်း ဝါးကနဲ ရီကြပါသည်
ကျွန်တော်တို့၏ဘဝမှာ ထိုရီစကားစကားတစ်ခွန်းသည်
ဘယ်ဘယ်တော့မှမမေ့နိုင်သည်သင်ခန်းစာတစ်ခုပင်
ဖြစ်ခဲ့လေသည်
ဗိုကျော်( ဆရာကိုကျော်ခိုငိ) သီခြားတိုက်ခန်းငှားပြီး
ဟောခန်းဖွင့်တော့ ကျွန်တော်တို့ကအဲဒီမှာလည်းနဝင်း
ထိုင် ဆရာကြီးအိမ်မှာလည်းထိုင်ဖြစ်ပါတယ် ကိုကျော်
ခိုင်က စိတ်စေတနာဖြူ ပါတယ် ကျွန်တော့်ကိုလည်းကြုံ
ရင်ကြုံသလိုမဟာဘုတ်ရဲ့လှို့ဝှက်ချက်တွေပြောပြခဲ့လို့
ကျေးဇူးရှိခဲ့ဘူးပါတယ်
သင်တန်းကတော့ဆရာဦးချစ်တင်ရဲ့တပည့်ဦးသန်းဝင်း
ဆီမှာဘဲသင်ဖြစ်ပါတယ် ဆရာဦးသန်းဝင်းနဲ့ဆရာကို
အောင်က ကျွန်တော့်ရဲ့သင်ဆရာတွေပါ ကျေးဇူးရှိပါတယ်
ဆရာကြီး အသက် ၇၁ နှစ်ဆရာကန်တော့ပွဲမှာတော့
ဟေ့ လင်းအောင် ငါသေသွားရင်မင်းတို့တွေသူ့တပည့်
ငါ့တပည့်နဲ့အားပြိုင်ကြလိမ့်မယ် ကျော်ခိုင်တို့သန်းဝင်း
တို့မင်းတပည့်တွေလည်းခေါ်ခဲ့ ငါနဲ့ဓါတ်ပုံရိုက်ထား
အခွေထဲမှာလည်းပါတယ် အေးအဲဒါတွေအားလုံးငါ့တ
[ ]ပည့်တွေဘဲ မင်းတပည့်ခေါ်ခဲ့ဆိုသူကတော့ကျွန်တော်
ပါဘဲ
ဆရာကြီးသည်သုမသေခင် ဖြစ်လာမည့်အကြောင်းတရားများကိုလည်းကြိုတင်ပြီးအကွက်ချခဲ့လေသည်
ဆရာကြီးတစ်ယောက်ကွယ်လွန်ခဲ့သောကျန်ရှိသော
တပည့်တို့သည် သူနိုင်ငါနိုင်ပြိုင်ကြ၍အုပ်စုကွဲသည်ကို
ပညာရှင်တို့သိကြလေသည်
[ ]
[ ]ဗေဒင်ရပ်ဝန်းတွေမှာလည်းရှိသလိုဆေး အဂ္ဂိယ အင်းတို့မှာလည်းအုပ်စုကွဲကြ၏ ရွှေရင်ကျော် မနောစိတ္တုပ္ပ
ပထမံ အစရှိသောဂုဏ်းဂဏများလည်းဤသို့နှယ်ဖြစ်
ကြလေသည်
ကျွန်တော်သည်လည်း နက္ခတ်ဗေဒင် အင်း ဟူးရား
ဆန်း လက္ခဏာတို့မှ လောကဓံဗေဒင်ဘက်သို့ကူး
ပြောင်းလာရာ ထိုထိုသောပြဿ နာတို့ကိုကြုံတွေ့ရ
သည်မှာလည်း ထူးပြီးမဆန်းသောကိစ္စများပင်ဖြစ်ပေ
ဆရာကြီးသည် အသက် ၇၂ တွင်ဆုံး၏ ထိုအချိန်က
ကျွန်တော်၏စီးပွားရေးကိစ္စတစ်ခုကြောင့်ပိတ်ဖြူ
ချုပ်ပြီးမှဘုရားထီးတင်ပွဲမရောက်ဖြစ်ပါ
အတိတ်က ပညာခရီးက ရှည်တော့ ဤမျှ လောက်နဲ့
ခနရပ်နားလိုက်ပါမယ် နောင်ကြုံရင် ကိုလင်း ကိုကျော်
ခိုင် ကိုအောင် ကိုသန်းဝင်း နဲ့ ကျွန်တော်တို့ရဲ့ ၁၀ နှစ်
တာ အတွေ့အကြုံတွေ ဆက်ရေးသွားမှာပါ

No comments:

Post a Comment