Thursday, March 8, 2018

ရင်သို့တိုးဝှေ့ဆဲပါ(ခိုင်)


ရင်သို့ တိုးဝှေ့ဆဲပါ ခိုင်

          ရင်သို့တိုးဝှေ့ဆဲပါ ခိုင်
          ကျွန်ုပ်က မခိုင်လို့ ကိုယ့်တပည့် တစ်ယောက်ကို ခပ်ပြတ်ပြတ်ခေါ်နိုင်ပေမယ့် တကယ်တမ်းကျတော့ ယနေ့အချိန်ထိ ရင်ထဲသို့ တိုးဝှေ့လာသောဖြူကြည်ခိုင်ဆိုသော ''မိန်းမချော တစ်ဦး'' ဇာတ်လမ်းကတော့ ---- ။
          ဇာတ်လမ်းအစပြောရရင်တော့ ဒေါသနဲ့ပြောပြဖို့လာတဲ့ မိန်းမချောလေးတစ်ယောက်ကြောင့်ပါ။
          အဲဒီတုန်းက သူ့ရင်ထဲက ခံစားနေရတဲ့အဖြစ်အပျက်တွေကို ကျွန်ုပ်က နားထောင်သမား သက်သက်မို့ သူပြောသမျှကို ဘာမှစောဒကမတက်ဘဲ ငေးသို့သာကြည့်ရင်း နားထောင်ခဲ့ရပါတယ်။
          အဖြစ်အပျက် ''ဒီလို ---- ဒီလို --- ''
          ၂၀၀၇-ခုနှစ် သြဂုတ်လ (၁၆)ရက်၊ မိုးလည်းမရွာ ၊ လေလည်းမတိုက် ၊ သစ်ရွက်လည်းမကြွေ တဲ့နေ့ တစ်နေ့ပေါ့ဗျာ ----။
          အရပ်က အနည်းငယ်ပုတယ်လို့ ထင်ရပေမယ့် သူ့ရဲ့စတိုင်နဲ့ကိုယ်လုံးကိုယ်ပေါက်က ဖွင့်ထွား ပြီးစွင့်ကားနေတာကြောင့် ပုရိသတွေ စွဲမက်လောက်တဲ့ ပုံစံဆိုတာ ကျွန်ုပ်သိလိုက်ရပါတယု။
          ကျွန်ုပ်ထံသို့ ဗေဒင်လာတွက်တဲ့နေ့က ပုံစံကိုပဲကြည့်လေ။ ပန်းနရောင်အင်္ကျီနဲ့ ဂျင်းစကပ်ကို တင်းကျပ်စွာ ၀တ်ဆင်ထားလိုက်တာ ဆယ်ကျော်သက်လားအောက်မေ့ရတယ်။
          လက်ထဲမှာလည်း ကိုင်ထားတဲ့အိတ်က ပန်းနုရောင်ဆိုတော့ သူ့စတိုင်က သူရဲ့ရုပ်ရည်ကိုပိုပြီး နုပျိုစေပါတယ်။
          ထိုမိန်းကလေးမှ စတင်၍ ---
          ''ဆရာမြတ်ထွဋ်ခေါင်ဆိုတာ ---- ''
          ''ဟုတ်ပါတယ် ၊ ကျုပ်ပါပဲ --- ဒီက ---- ''
          '' ''ခိုင့်'' နာမည်က ဖြူကြည်ခိုင်ပါဆရာ ''ခိုင်'' ရဲ့ ကံဇာတာလေး ဆရာဆီမှာ စစ်ဆေးချင်လို့ပါ''
          ''ဟုတ်ပါပြီ ---- မိန်းကလေးရဲ့ ခုနှစ်သက္ကရာဇ်ကို ပြောပါ''
          ''(၂၃.၁.၆၉) ကြာသပတေးသမီးပါ ဆရာ''
          ကျွန်ုပ်သည် လုပ်ထုံးလုပ်နည်းအရ ''ခိုင်''ဆိုသော ဖြူကြည်ခိုင်၏ ကံဇာတာကို ကျွန်ုပ်တို့ မြန်မာရိုးရာဗေဒင်နည်းဖြင့် စစ်ဆေးကြည့်လိုက်ရာ ---
နေ့အဋ္ဌလဂ်တွင် = ယသောလောကဓံ၌ အင်္ဂါဂြိုလ်ရပ်တည်တှုကြောင့် အိမ်ထောင်ရေးအရှုပ်နှင့် -- ကြုံတွေ့နေကြောင်း ပထမဦးစွာသိရှိလိုက်ရပါသည်။
အချိန်တိုင်        = အင်္ဂါချိန်တွင် မွေးနံကြာသပတေးနှင့် နိမိတ်ဖြစ်သော အင်္ကျီနှင့်လက်ကိုင်အိတ် ကြောင့် နေအိမ်မှ မိမိ၏အိမ်ထောင်ဘက်ဆင်းသွားကြောင်း ဒုတိယသိရှိလိုက်ရပါသည်။
လစိတ်ပိုင်း      = အယသောလောကဓံသည် စိတ်ဆင်းရဲမှုများနှင့် တိုက်ဆိုင်ကြုံတွေ့နေကြောင်း ပြသ နေပါသည်။
မူလဇာတာ     = (၀)ကြွင်း ကြာသပတေး မိမိစိတ်ကို အစိုးမရသူ၊ အိမ်ထောင်ရေးနှင့် ပတ်သက်၍ စိတ်ကျေနပ်မှုမရ။
လောကဓံသက်ရောက် = ဒုက္ခံလောကဓံတွင် သက်ရောက်မှုကြောင့် စိတ်ဆင်းရဲ၊ ကိုယ်ဆင်းရဲရောဂါဟု သတ်မှတ်ရပါမည်။
          ''ကဲ မဖြူကြည်ခိုင် ----- ''
          ''ဟုတ်ကဲ့ ပြောပါဆရာ''
          ''မင်းမှာ အိမ်ထောင်ရှိသလား''
          ''ဟုတ်ကဲ့ --- ရှိပါတယ်ဆရာ''
          ''အိမ်ထောင်ရှိရင် မင်းအမျိုးသား အိမ်ပေါ်ကဆင်းသွားပြီ''
          ကျွန်ုပ်က ထိုသို့ဟောလိုက်ပြီး မိန်းကလေး၏ မျက်နှာကိုကြည့်လိုက်ရာ မိန်းကလေး၏မျက်နှာ မှာ ပြုံးစေ့စေ့လုပ်နေကြောင်း တွေ့လိုက်ရ၍ ကျွန်ုပ်မှာ အနည်းငယ်အံ့သြသွားသည်။ စိတ်ထဲမှာလည်း ငါဟောလိုက်တာ မှားများသွားလားဟု တွေးနေမိသည်။
          ကျွန်ုပ်မှ မိန်းကလေး ဘာကိုသဘောကျနေတာလည်းဟု မေးလိုက်ရာ ---
          ''ဆရာဟောလိုက်တာ မှန်လည်းမှန်တယ်၊ မှန်လည်း မမှန်ဘူး''
          ''ဟေ --- ''
          ''ဘာဖြစ်လို့လဲ မိန်းကလေး ---- ဆိုပါဦး''
          ''ဘာဖြစ်လို့လည်းဆိုတော့ --- ဆရာရယ် အမျိုးသားက အိမ်ပေါ်ကဆင်းသွားတယ်ဆိုတာ မှန်ပါတယ် ဒါပေမဲ့ သူ့သဘောနဲ့သူဆင်းတာမဟုတ်ဘူး ဆရာရဲ့---''
          ''ခိုင် နှင်ချလိုက်တာ''
          ''ဟေ ----  ''
          ကျွန်ုပ်မှာ ဒုတိယံပိ ''ဟေ'' လိုက်မိသည်။
          ''အခု ''ခိုင်''လာတဲ့ကိစ္စက အဲဒီကိစ္စပဲ ဆရာရဲ့၊ ကျွန်မတို့နှစ်ယောက်ရဲ့ အိမ်ထောင်ရေးက ရှေ့ဆက်ပြီး ဘာဖြစ်မလဲ၊ အိမ်ထောင်ရေးမြဲ မမြဲသိချင်လို့ပါ ဆရာ၊ နောက်ပြီး --- ကျွန်မရော ကျွန်မ အမျိုးသားပါ နောက်ထပ် အိမ်ထောင်ကျကိန်း ရှိမရှိလည်း သိချင်လို့ပါဆရာ''
          ကျွန်ုပ်လည်း  မိန်းကလေးဘက်မှ ပွင့်လင်းစွာဆွေးနွေးလာသည့်အတွက် ---
          ''မဖြူကြည်ခိုင်ရဲ့ အမျိုးသားကတော့ ---- သူ့ဇာတာပိုင်းကို ပြန်စစ်မေးမှရမယ်၊ ဒါပေမဲ့ မိန်းကလေးရဲ့ ဇာတာပိုင်းမှာနောက်အိမ်ထောင်ပြုဖို့ စဉ်းစားနေတာ --- တွေ့ရတယ်၊ ပွင့်ပွင့်လင်းလင်း ပြောရရင် နောက်ထပ်အမျိုးသားတစ်ယောက်က မိန်းကလေးကို ချစ်ခွင့်ပန်ထားတယ်၊ ဒါကို မိန်းကလေး က စဉ်းစားနေတယ် ဟုတ်ရဲ့လား---''
          ကျွန်ုပ်ဘက်မှပွင့်လင်းစွာ ဟောကြားမှုကြောင့်မဖြူကြည်ခိုင်ဆိုသော မိန်းကလေးသည် သူ၏ လွမ်းမောဖွယ်ရာ အိမ်ထောင်ရေးဇာတ်လမ်းအား (ကိုရီးယားဇာတ်လမ်းတွဲ)ပမာ ကျွန်ုပ်အား ပြောပြပါ တော့သည်။
          မဖြူကြည်ခိုင်၏ အမျိုးသားအမည်မှာ ဦးကိုကိုမောင်ဟုခေါ်၍ ခေတ်ပညာတတ် လူငယ် တစ်ယောက်ဖြစ်ပါသည်။ မဖြူကြည်ခိုင်နှင့် ဦးကိုကိုမောင်တို့ နှစ်ယောက် တစ်ဦးနှင့်တစ်ဦး မေတ္တာမျှ၍ အိမ်ထောင်ကျခဲ့သည်မှာလည်း သားသမီးနှစ်ယောက်ထွန်းကားသည်အထိ ဘာပြဿနာမရှိခဲ့ပါ။ ဦးကိုကိုမောင်မှာ အိမ်ထောင်ကျကာစတွင် ရိုးသားဖြောင့်မတ်၍ စီးပွားရေးကိုကြိုးစားလုပ်ကိုင်သော် လည်း သားသမီးနှစ်ယောက်ထွန်းကားပြီး နောက်ပိုင်းတွင် အသောက်အစားအပျော်အပါး မက်မောလာ ရာ မဖြူကြည်ခိုင်တစ်ယောက် ကိုယ့်ဘ၀ကြိုးစားမှ မိမိနှင့်သားသမီးနှစ်ယောက် ရှေ့ရေးကောင်းစား မည်ကို သိလာခဲ့ရပါသည်။
          တစ်ဖက်မှ မဖြူကြည်ခိုင်စီးပွားရေးလုပ်ငန်းများ အောင်မြင်မှုရရှိလာသည်နှင့်အမျှ တစ်ဖက်မှ ဦးကိုကိုမောင် အခြေအနေမှာ တစ်နေ့ထက်တစ်နေ့ ပိုမိုဆိုးရွားလာခဲ့ပါသည်။
          မဖြူကြည်ခိုင်၏မိဘများမှာ ဂုဏ်သရေရှိ လူတန်းစားများဖြစ်ကြသောကြောင့် ဦးကိုကိုမောင် တစ်ယောက် သောက်သောက်စားစားလူမင်းသားအဖြစ် ရပ်တည်နေသည်ကို မကြိုက်လှသော်လည်း သမီးနှင့်မြေး(၂)ယောက်၏ မျက်နှာကြောင့် မချစ်သော်လည်း အောင့်ကာနမ်းဆိုသလို အလိုက်အထိုက် ဆက်ခံ၍ နေခဲ့ကြသည်။
          မဖြူကြည်ခိုင်တစ်ယောက် ကံဆိုးမိုးမှောင်ကျသည့်နေ့ကတော့ ကျေးဇူးရှင်ဖခင်ကြီးဆုံးသော နေ့ဖြစ်ပါသည်။ ဖခင်ကြီးဆုံးပါးသွားပြီးနောက်တွင် ဦးကိုကိုမောင်မှာ ပိုမို၍ဆိုးရွားလာခဲ့ပါသည်။ ထို့ကြောင့် မဖြူကြည်ခိုင်တစ်ယောက် လုံးဝသည်းခံနိုင်စွမ်းမရှိတော့၍ ဦးကိုကိုမောင်အား အိမ်ပေါ်မှ နှင်ချခဲ့ပါသည်။
          သူတို့နှစ်ဦးမှာ ကွဲသည်လည်းမဟုတ်၊ မကွဲသည်လည်းမဟုတ်၊ တစ်ယောက်တစ်နေရာ---။
          ဒီနေရာမှာ ဒုတိယဇာတ်ကောင်တစ်ဦး ထပ်မံပေါ်ပေါက်လာတာကတော့ ကိုညီညီပင်ဖြစ်ပါသည်။ ညီညီသည် အသက်ငယ်သည်၊ ရုပ်ချောသည်၊ ခေတ်လူငယ်ဆိုတော့ စတိုင်လ်ရှိသည်။
          ညီညီက ရိုးသားဖြူစင်သော မဖြူကြည်ခိုင်ကို စိတ်ဝင်စားသည်။ မဖြူကြည်ခိုင်ကလည်း ဦးကိုကိုမောင် နှင့် အဆင်မပြေမှုများကြောင့် ညီညီအပေါ်တွင် ယိမ်းမိသည်။
          ဤသို့နှင့် တစ်နေ့ ---
          ညီညီနှင့် ဖြူကြည်ခိုင်တို့ နှစ်ယောက်ဇာတ်လမ်းကို ဦးကိုကိုမောင် တစ်ယောက်သိသွားပြီး-
          ''ဒီမှာဖြူကြည်ခိုင် --- မင်းနဲ့ ဟိုကောင်ညီညီတို့က ဘယ်လိုဇာတ်လမ်းမျိုး ကနေကြတာလဲ''
          ''ရှင်က ဘယ်လိုထင်လို့လဲ ဦးကိုကိုမောင် --- ရှင်နဲကျွန်မက တရားဝင်မပြတ်ဆဲတာပဲရှိတယ်၊ အတူမနေတာ တစ်နှစ်လောက်ရှိနေပြီ ---- ၊ ကျွန်မရဲ့ ကိုယ်ရေးကိုယ်တာ ရှင်ဘာမှဝင်စွက်ဖက်စရာ မလိုဘူး''
          ''သြော် ---- မင်းက ငါ့ကို စိန်ခေါ်တယ်ပေ့ါ''
          ''ရှင် ထင်ချင်သလို ထင်နိုင်တယ် ဦးကိုကိုမောင်''
          ''အဖြစ်အပျက်က ဒါပါပဲဆရာရယ် --- ၊ ဆရာက အိမ်ထောင်ရေးနဲ့ပတ်သတ်လို့ မှန်ကန်အောင် ဟောနိုင်ရုံတင်မကဘူး ။ အကြံဥာဏ်ကောင်းတွေပါပေးတယ်လို့ အိမ်ဘေးက သူငယ်ချင်းက ပြောလိုက် လို့ပါ''
          ''ဒီလိုရှိပါတယ် မိန်းကလေး၊ ဆရာတို့ဗေဒင်ပညာမှာ --- အိမ်ထောင်ရေးနဲ့ပတ်သက်လို့ တိကျမှု၊ မှန်ကန်မှုတွေရှိတယ်၊ ဘယ်အသက်မှာ အိမ်ထောင်ပြုရမယ်၊ ဘယ်အချိန်မှာ အိမ်ထောင်မပြုရ ဘူးလို့ ပညာမှာအတိအကျ ပြဌာန်းထားတယ်၊ အခု --- မဖြူကြည်ခိုင် ရောက်နေတဲ့ ဒုက္ခလောကဓံဆို တာ အိမ်ထောင်ရေးနဲ့ပတ်သက်လို့ စိတ်ဆင်းရဲသောက ရောက်တဲ့နေရာပဲ။
          နောက်ပြီး---- အခု မဖြူကြည်ခိုင်တွဲနေတဲ့ ညီညီဆိုတဲ့ ကောင်လေးနဲ့ကိစ္စကို ဆရာကတော့ နောက်ဆုတ်စေချင်တယ်။ အခုရောက်နေတဲ့ ဒုက္ခလောကဓံမှာ အိမ်ထောင်ရေးနဲ့ပတ်သက်လို့ လူလိမ် အကျင့်ပျက်တွေနဲ့ တွေ့လိမ့်မယ် ----၊ ညီညီကို လူကောင်းမဟုတ်ဘူးလို့ ဆရာ့အနေနဲ့ တိုက်ရိုက် စွပ်စွဲတာ မဟုတ်ဘူးနော်--- ၊ပညာရဲ့ ဥပဒေကို ပြောပြတာ၊
          သူက လူကောင်းဖြစ်ရင်တောင် မိန်းကလေးရဲ့ ထာဝရလက်တွဲဖော် မဟုတ်နိုင်ဘူးလို့ ဆရာပြော ချင်တာ''
          ကျွန်ုပ်သည် မဖြူကြည်ခိုင်ဆိုသော မိန်းကလေးအား ဒုက္ခလောကဓံတွင် ဖြတ်သန်းရမည့် အနေအထားများကို ပြောပြလိုက်ရာ---
          သူမျက်နှာလေးမှာ ''နေ''ထိပန်းကဲ့သို့ ညှိုးနွမ်းသွားပြီး-
          '' အင်း-- ကျွန်မလည်း ရိပ်မိပါတယ် ဆရာရယ်၊ ဒါပေမဲ့ပိုသေချာသွားအောင် ဆရာနဲ့လာဆွေးနွေးတဲာ၊ ကျေးဇူးတင်ပါတယ် ဆရာရယ်၊ အခုလို ကျွန်မဘ၀မှာ အရေးကြီးဆုံး ဖြစ်တဲ့ အိမ်ထောင်ရေးကိစ္စတစ်ခုကိ်ု ရှင်းရှင်းလင်းလင်း သိလိုက်ရလို့''
          ကျွန်ုပ်၏ ဟောခန်းအတွင်းမှ လေးကန်စွာထွက်သွားသော မဖြူကြည်ခိုင်အား ကျွန်ုပ် ငေးကြည့်ရင်း----
          ကျွန်ုပ်ရေးမည့် ဆောင်းပါးခေါင်းစဉ်တစ်ခုကို စာမျက်နှာတွင် ချ၍ရေးလိုက်မိပါတော့သည်။

          '' ရင်သို့တိုးဝှေ့ဆဲပါခိုင်''






No comments:

Post a Comment